ليس للجميع @

​والله العظيم وترا هذا حلف يمين أحاسب عليه أنا ما أكتب هالكلام لأني ناقص أصل أو فيني عيب الحمد لله أصلي وفصلي معروف وراسي مرفوع أنا أكتبه لأني مصدوم وميت ضحك كيف للحين في ناس عايشين بهالعقلية المتحجرة المضحك إن الوحده فيهم عمرها صك الـ 40 ويمكن قربت على الـ 50 والكرش قدامها شبرين والكشة طايرة ومع ذلك للحين تتشرط تبي سوبرمان أصل وفصل وملياردير يا عمتي نزلي الأرض شوي الكبر شين والقطار طافك وإنتي بعدك تنتظري الفارس اللي يركب حصانه الابيض لو حظك قايم وعندك هالمواصفات الخيالية ما كان حدك الله تدوري نصيبك بمواقع النت ومحد درى عنك وينكم ووين كلام الرسول ﷺ اللي هدم هالعنصرية والتكبر من ألف وأربعمائة سنة قال ﷺ إن الله قد أذهب عنكم عبية الجاهلية وفخرها بالآباء مؤمن تقي وفاجر شقي أنتم بنو آدم وآدم من تراب وقال ﷺ ألا لا فضل لعربي على أعجمي ولا لعجمي على عربي ولا لأحمر على أسود ولا أسود على أحمر إلا بالتقوى اللي تبى التوفيق والستر تترك عنها التكبر وحركات الجاهلية لأن البيوت تنبني بالدين والأخلاق والمودة مو بالشروط التعجيزية اللي تخلي صاحبتها تعجز بالبيت وهي للحين تحلم