.منوري

مرحبا ياحلوين يا أمورين. اليوم بدال لا احكي عن الرجل اللي ابيه. قررت اني احكي عن الرجل اللي مابيه لانهم كثر بصراحه ومتوفرين بشكل مززعج. ويارب تعرسون ونفتك من شركم😬. فاذا وجدت اي من التالي فيك، ارحوك لاتبادر وتراسلني 🌚. . يلا نبتدي::. الرجل اللي ماتعافى من تجربته السابقه. وخايف من كل بنات حواء يكونون مثل تجربته الاولى. ياليت تعالج جروحك الاولى قبل. وموذنب التجربه الجديده تعاقبها بألم الماضي والتجربه السابقه. ارجوك. عالج مخاوفك. عشانك انت. مو عشان احد ثاني. عشان تنجح تجربتك الجايه --. الرجل اللي زوحته كانت متشدده ومعقده..لدرجة صار يبي زوحته الثانيه تلبس 👙 بكيني ع البحر، صراحه، البلا مو منك البلا اللي بترضى فيك--. الرجل اللي عاش مكبوت دينيا وفجاه شاف الدنيا وفاهم ان الدين هو ضد التفتح.. وعايش في صراع نفسي 😂--. الرجل الضايع اللي مايعرف يعيش على الأصاله. والا يواكب الحاضر.. برضو انت في صراع والله يكون بعونك ولا تصلح لي. واحب اقولك. مايمنع تكون اصيل ومتحضر--. .الرجل الامعه. كل ما مالوا الناس، مال معاهم. حتى لو ان الناس كانوا على خطا. " مع الخيل 🐎 ، ياشقرا 🐄 " --. الرجل اللي عنده كبت "ج ن س ي "في تجربته السابقه. ويجي يسال البنت اول ما يدرعم عليها اسئله ج ن س ي ه ، ترى عيب يا استاذ، كل شي له مقدمات وكل شي بوقته. ولكل مقام مقال.. وشلون تتوقع ان البنت تتقبل هذي الاسئله من شخص ماعرفته الا دقيقه... واحب اقول لهذا الشخص تحديدا.. ان غياب تواجد اهل البنت بحكم التواصل المباشر مع البنت من خلال البرنامج ، ترى مايعطيك الحق تتمادى وتتواقح بالاسئله ولا هو من الرجوله--. . الرجل. اللي يقول." رجوله طاغيه" . وبالاخير يقصد" جسمه".وعضلة الباي سيبس والتراي سيبس ، ارجوك افتح القاموس واعرف معنى الرجوله. ترى لا هو بطولك ولا عرض اكتافك وبرضو نحش فيكم. بليز حللونا😂--. الرجل اللي يبي خروف سمين من غير لاينظر لا بالاخلاقيات ولا الفكر. بعد ماتصلح لي--. الرحل المهايطي. ترى نحش فيه بالمجالس😂.. وحتى نوع البنات اللي تنجذب لهياطه.. يكونون لعلاقات مؤقته وغير امنه وغير مستمره. لان مايدورون على حياه مستقره. فوقف هياط وفكنا لو سمحت. ومثل ما عندك. ترى الناس بعد عندها، وشبعانه خير --. الرجل الواهم الغير واقعي. اللي متاثر بحياة المشاهير--. الرجل اللي مدربي راسه عند كل عضوات البرنامج يسولف معاهم.. بجيب الاشمئزاز. والحموضه حتى سواليفه غدت سواليف حريم. لدرجة انك تحس تسولف مع ساره ونوره ومريم. مو مع رجل🤣. الرجل اللي يقول " ماعندي حدود" رجل ضعيف جدا. وغير آمن الارتباط فيه. ومسيكين ضعيف وينرحم ومافيه من القوه شي.. لان ماعنده كنترول على نفسه وممكن يأذي نفسه ويأذي الانثى اللي معاه.---. الرجل اللي يعرف حقوقه. بس مايعرف واجباته.-- الرجل اللي يعتقد ان الواجب عليه اتجاه زوحته. دراهم وفراش فقط. .. بعد هذا النوع ماتصلح لي :- الرجل المتشائم وعايش في خوف --. الرجل التافه والسطحي وماعنده مبادئ ولا قيم. --. الرجل اللي مايثمن ولا يوزن كلامه. وكلماته جارحه. وبعدين يقول: “ops!!. مو قصدي🙄”. -- الرجل الانثوي اللي يتصرف زي النساء ويبي الحرمه تبادر وهو يستنى.. اعوذ بالله من ابليس ومنك. ولو تعرفون قد ايش المراه تنبهر بالرجل المبادر المهتم وتنحذب له.. بس ماااش. انقلبت المقاييس على قولة امي حصه 😂❤️--. الرجل الكذوب. يكذب مثل شرب الماء--. حقين المسيار وغير المعلن ارجوووكم. لاتفكرون مجرد تفكير 😌--. ترى كل المطلوب. واحد صادق متصالح مع نفسه وعيوبه يمارس دوره الطبيعي ك رجل. ويدع الانثى تمارس دورها الناعم. عارف وش يبي، له افكاره وارائه الخاصه. مو كل ما مالوا الناس، مال معاهم، مرن، متعلم، متحضر، متفهم، محاور وحبذا لو يكون عاطفي🙄.. وترى اللي تبيك. راح تقبلك مثل ما انت. والا انت اللي لاتقبل فيها.. كل انواع الرجال بالسابق. ماوراكم عرس، وان اعرستوا. زواجاتكم غير ناجحه-- تعبت اصابعي.. كني كثرت عليكم والا باقي بجعبتي انواع ماذكرتها 😬.