مطلوب حد مريح

عاقلة وناضجة وفاهمة الحياة والمسؤولية .. وتعرف أن الارتباط كله مسؤوليات واعباء مش دباديب وسهوكة ومحن ومسلسلات تركية .. وتبقى فاهمة أن الحياة حرب مع كل حاجة الا شريك حياتك .. تبقى لينة ودمها خفيف عشان الحياة لوحدها تجيب جلطة مش ناقصة حد تانى لو ربنا كرمك ونفدت من الحياة تصطادك هى فى البيت .. حد حلو من جوة ومقبول من برة .. حد بيشغل مخه مش ودانه .. حد قوى ..قوى يعنى يعرف يشيل مسؤولية ويدير حياة ويحافظ على نفسه وعلى اللى معاه .. حد مش مضر لو مش مفيد .. حد يصبرك على اللى يزعلك وتلاقى معاه راحة .. حد مريح ..مريح ..مريح .. لأن العلاقات المتعبة علاقات فاشلة مهما كان شريكك فيه مميزات .. واخيرا حد بيعامل ربنا مش يعاملنى .. يعنى لو انا شخص مش كويس ما يبقاش هى وحشة ومش كويسة كأننا فى سباق مين اوحش من التاانى ..الكويس كويس لنفسه.. لو انتى كويسة عشان انا كويس خليكى فى حالك .. مش معنى كلامى ان دى رخصة ليا ابقى وحش وانتى مجبرة تبقى كويسة ..خالص والله .. بس الإنسان الحلو حلو لوحده ولنفسه..وحاجة أخيرة ماتكونش مدخنة ومعلش انا راجل رجعى ومتخلف وبشوف الست المدخنة عندها قدرات خاصة وتستاهل راجل احسن منى وهى خسارة فيا .. شكرا 🌹🌹