حريةفى قفص زواج

اول سؤال هيجى فى بال اى حد ازاى فى السن دا وعازب والرد اولا كل شيء نصيب وربنا لسه مقدرش ليا نصيبى وثانيا انا من بعد ما اتخرجت لحد من سنه فاتت وانا بره مصر يعنى 30 سنه تقريبا بشتغل بره مصر وفكرت اكتر من مره بس للاسف كان بيبقي مفيش تفاهم أو قبول واخر 20 سنه تقريبا نزلت مصر مرتين بس والظروف خاصه كان لازم انزل فيها مصر غير كدا انا كان وقتى بين شغلى وهوياتى زى القراءة والسفر وأما استقريت فى مصر ابتديت رحلة البحث عن شريكة لحياتى وانا الحمدلله مش عجوز قوى هههههههههههه يعنى لسه فيا الروح ومش باين عليا سنى الحمدلله لأنى مش بحب الزعل ولا اشغل بالى بغيرى مركز فى نفسى وحياتى بس بدور علي كل حاجه ممكن تبسطنى من غير ما اعمل حاجه حرام فرفوش شويه وبحب اكل كويس والبس كويس واعيش كويس بس مش متصابى بعيش كل فترة من فترات عمرى بالشكل المناسب للسن واللى يبسطنى طولت عليكوا معلش فاضى بقي هههههههههههه وعاوز انسانه تشغل الجزء المهم فى حياتى يا تري موجوده ولا لف وارجع تانى سؤال تانى ممكن يجى فى بال اى حد ايه لجأت للموقع أولا لأن قرايبى واصحابى بيجبوا ماشاء الله كل عروسه وعروسه تخلى الواحد يقفل من فكرة الجواز 🤣 ثانيا الموقع فكرته جميلة بجد وهو زى اى وسيلة ممكن اتنين يتهرفوا فيها علي بعض لو فى توافق يبقي تمام مفيش يبقي كل شيء نصيب بكل احترام رجعت ارغى تانى 🤣🤣🤣 معلش انا حابب أوضح كل حاجه ودا اسلوبى وطبعى فى الحياة كل حاجه تكون واضحه وسلام بقي لا تقولوا عليا رغى 🤣🤣🤣🤣