ee1_00

شريك حياتي يكون إنسان يفهمني قبل ما أتكلم ويقدّرني حتى في أبسط الأشياء يكون حنون قلبه كبير ويعرف يحتوي مشاعري مو بس وقت الفرح حتى وقت زعلي وتعبي يكون سندي مو ضدي يحبني بصدق مو بكلام بس ويثبت لي حبه بأفعاله قبل كلماته يكون شخص أرتاح معاه وأكون على طبيعتي بدون خوف أو تكلّف أبغاه يحترمني ويحترم حدودي ويشوفني شريكته مو شي يملكه نكبر سوا ونطوّر من نفسنا ونشجع بعض يكون عنده طموح ويسعى لحياته بس بنفس الوقت يعطيني من وقته واهتمامه وما يخليني أحس إني خيار ثانوي أبغاه يخاف علي ويغار علي بحدود ويكون واضح وصريح ما يحب اللف والدوران وإذا غلط يعترف وإذا زعل ما يطوّل ويعرف كيف يراضيني