محمد.0485

السلام عليكم هدفي من البحث في الموقع لأنه ماني عارف كيف اشرح لأهلي كيف الزوجة الي احتاجها و الطريقة الي تناسب حالتي المادية..... انا مبدأيا كزوج غير متطلب ابداً ابداً ما ادور على زوجة للطبخ و النفخ و التنظيف دي الاشياء نقدر نتشارك فيها..... الي يهمني زوجة تسترني و تعفني و حياة هادئة و لحظات جملية و راحة نفسية..... بابحث عن وحده تتقبل وضعي المادي و اختلافاتي لانه انا مره بيتوتي و غير اجتماعي احاول اتجنب الجمعات و الزيارات و العزايم و كمان موضوع السفريات ما احبه..... ما عندي اصحاب فقط ابن خالتي و واحد من اخواني هما الي اقضي وقتي معاهم مره في الاسبوع..... غير مستعجل في الزواج ابحث عن شريكة تتوافق معي بنسبة كبيرة لسبب فشلي مرتين ابحث عن انسانة تفهم و ترغب في زوج مثلي..... مطلق مرتين..... طلاقي الأول بسبب عدم التوافق ماديا و اجتماعيا و فارق السن كان كبير ولكن استعجلت في قرار الانفصال..... طلاقي التاني السبب اني ما اتأقلمت معاها وكان في عدم توافق في الاطباع..... انا ابغا وحده من سني او اكبر مني..... موظفة او مرتاحة ماديا مو طمع في مالها ولا ابغاها تصرف عليا لكن بس عشان يخف الوضع عليا..... وضعي المادي ضعيف حاليا لانه عليا قرض باقي له ٣ سنوات مبلغ سداده هو الي متعبني و والدتي مريضة طريحة الفراش عايشة عند اخويه لكن انا و واحد من اخواني مصاريف احتياجاتها و الخادمة الي تنتبه لها علينا..... بابحث عن وحده تكون مقتنعه و فاهمه انه مو لازم التكلف في الزواج مو لازم حفل ملكة و بعدين حفل زواج..... مهر ميسر و مناسبة اهلية بسيطة يكون فيها العقد و بعدها على مهلي اجهز في البيت..... هو صح انا فشلت في الزواج مرتين بس الشي الي لاحظته انه بعد العقد سبحان الله الامور تتيسر..... اغلب الي قلته احس انه صعب وحده تتقبل واحد زيي لكن انا بحاول الين الله يفرجها و الاقي الي تحتاجني و احتاجها..... اذا تشوفيني مناسب ارجو ارسال رسالة او اختيار إعجاب..... واذا غير مناسب الله يوفقك و يكتبلك الخير مع واحد يستاهلك.....