I'm محمد_CR7, 25 years old from Egypt, searching for a wife, and my ID on Mawada is 11991782.

Premium membership

Nationality, residency and familial status

أنا اسمي محمد.. بشتغل -شيف مخبوزات- ومعتمد على نفسي، والشغل ده هو اللي علمني يعني إيه مسؤولية وقيمة اللقمة الحلال. أنا طبعي عملي جداً ومباشر، مابحبش اللف والدوران. وخليني أكون صريح معاكي من الأول؛ أنا دايما في حالي، دايرة معارفي مقفولة جداً، ماليش في الشلل ولا القهاوي، صحابي هم زمايلي في الشغل وقت الشغل وبس. أنا وحيد ماليش غير -أمي- ورضاها، وهي كل دنيتي، ومن هنا اتعلمت إني أصون اللي معايا وأشيل مسؤولية بيت لوحدي. أنا داخل البيت من بابه عشان أعف نفسي بالحلال وأبني أسرة هادية. وبآمن إن الرومانسية -أفعال مش كلام-، يعني هتلاقيني بهتم بالتفاصيل اللي تفرحك وبقدر جداً الاحتواء والمشاركة، لأن كلمتي هي عهدي. بدور على بنت الأصول اللي تقدر الجدعنة والوضوح ده، ونبني مع بعض حياة مستقرة ونكون سكن لبعض."

أنا بدور على بنت أصول، تكون -بنت بيت- وهادية، وتقدر يعني إيه راجل شقيان وبيبني نفسه بالحلال. مش محتاج واحدة غاوية نكد، أنا عايز اللي تكتفي بيا وببيتنا وبأمي. ونفسي تكون جميلة ، جمال هادي يريح العين ويملى عليا دنيتي، وتكون مهتمة بنفسها وبجمالها في بيتها. ويهمني جداً تكون محترمة ولبسها واسع ومحتشم، بنت أصول بجد في مظهرها وجوهرها. عايزها تكون حنينة وتعامل أمي كأنها أمها بالظبط، لأن دي عندي بالدنيا كلها، وتكون -دماغها صاحية- ومتفتحة، تقدر تفهمني وتشاركني اهتماماتي وتكون صريحة ومباشرة زيي. باختصار.. أنا بدور على -السكن- اللي لما أرجع من شغلي تعبان ألاقيها هي الراحة ووشها يضحك لي."