Magdymando

شريكة حياتك تبقى --بنت ناس وبنت حلال بجد-- متربية على الأصول، تحترم نفسها واللي قدامها، وكلمتها واحدة. مش فارق سنها خالص، سواء قدي أو أكبر مني بكتير… المهم نضجها وقلبها، مش رقم في البطاقة. تبقى واحدة قلبها أبيض وحنينة قوي، لما تحب تحب بصدق، وتبقى شايفة جوزها صاحبها وضهرها وسندها. تعرف تحتويك لو تعبت، وتفرحلك من قلبها، وتدعي لك في ضهرك من غير ما تقولك. تحب السفر والترحال، روحها خفيفة ومابتزهقش. تقولك فجأة: "يلا نغير جو… نطلع اسكندرية يومين… نسافر دهب… حتى لو مشوار صغير المهم نتحرك." تحب الخروجات، القعدة على البحر، تمشية بالليل، مغامرات بسيطة تكسر الروتين. وفي نفس الوقت بيتها عندها حاجة مقدسة، تعرف تبقى ست بيت شاطرة وشيك، وتعمل جو دفا وأمان يخليك مش عايز حاجة من الدنيا غير حضنها بعد يوم طويل. تبقى أنثى بمعنى الكلمة… دلع واحتواء، وفي نفس الوقت عقل وحكمة. تحبك وتغير عليك غيرة حب، مش تملك… وتبقى فخورة بيك قدام الدنيا كلها.