TheOneSA

--- --أولًا: معلوماتك الأساسية-- --كم عمرك، ومن وين أنت؟-- -احكِ لنا عن مدينتك، وين ساكن الحين واهلك وين؟، وهل تفكر تغير مكانك لو تم النصيب؟- - عمري 30 من أهالي الرياض وأساسا من القصيم، أغير مكاني لا ما اعتقد --كيف حالتك الاجتماعية؟-- -أعزب؟ منفصل؟ كم لك؟ هل فيه أطفال؟ كل اللي تحس مهم نعرفه عن حالتك الاجتماعية- - منفصل، ما طول الزواج كان فترة ستة أشهر ولا كان بيننا توافق ولعلها خيرة الحمد لله على كل حال. --- --ثانيًا: القيم الدينية والعائلية-- --دينك؟-- مسلم -سني - شيعي - طائفة اخرى- - مسلم سني --كيف التزامك في الدين؟-- -كيف توصف التزامك؟ صلاتك؟ وحجابك إن كنتِ بنت؟ ايش الاشياء الي ما تقدر تتعداها؟ اوصف بطريقتك- - ملتزم ولله الحمد ومحافظ على صلاتي الحمد لله --علمنا شوي عن خلفيتك العائلية؟-- -وش أصلك [اختياري]؟ هل عندك أو عند أهلك شرط قبلي؟ أو عادي الزواج من مختلف الخلفيات- - أصولنا سبعان، لا ما عندنا شروط فقط أعراف غالباً ما نأخذ إلا من أهالي --- --ثالثًا: التعليم والعمل والدخل-- --وش مؤهلك الدراسي؟ ووين وصلت مهنيًا؟-- - مؤهلي بكالوريوس --وش طبيعة شغلك؟-- -وإذا تحب تشرح لنا طبيعة عملك شوي بيكون حلو! دوامك كيف ثابت او شفتات؟ وبيئة العمل مختلطه؟ تحب تذكر دخلك [التقريبي] أو تتركه لبعدين؟- - طبيعة عملي دوام ثابت مسؤول بشركة، سبق وعملت مع أربع شركات والحالية لي معهم ثلاث سنوات وأموري جيدة معهم الحمد لله، العمل مختلط لكن بإدارتنا ما عندنا بنات --- --رابعًا: الشكل والحالة الصحية-- --كيف توصف شكلك؟-- -طولك، وزنك، بنية جسمك، لون بشرتك، لو فيه شيء مميز تحب تذكره -مثل شعرك، نظارتك، ستايلك- خذ راحتك- - طولي ١٨١ وزني ٧٠ بنية جسمي رياضية ومحافظ على صحتي وحريص جداً الحمد لله --وصحتك؟-- -بشكل عام، تمام؟ أو فيه شيء يحتاج نعرفه- - كلش تمام الحمد لله :- --- --خامسًا: الزواج والأسرة-- --المهر المناسب بالنسبة لك [التقريبي]؟-- - بين 30-50 --هل تفكر بإنجاب أطفال؟-- -كم تتخيل عددهم؟ وش تصورك عن التربية؟ شارك رؤيتك- - اللي يجي من الله أنا راضي فيه، بالنسبة للتربية طبعاً الاسرة اولوية بالنسبة لي فوق كل شيء وفوق كل هذا أمهم أو زوجتي المستقبلية يهمني تكون واعية وحريصة وسمحة ويهمني نكون أسرة متماسكة يا أنا اكون معهم يا هي في كل ساعة ولحظة بمراحل حياتهم، نأدي هالأمانة على أكمل وجه هم اللي بيشيلون اسمنا ويدعون لنا بعد ما ياخذ ربي أمانتنا بعد عمر طويل وسعيد بإذن الله --تحب الحيوانات الأليفة؟-- -ناوي تربي؟ أو ما تميل لها؟- - أحب الحيوانات الأليفة ممكن نجرب تربية حيوانات أليفة مختلفة وقت ما يكون عندنا أطفال بحيث تتأصل عندهم صفة الرحمة لكن مب حيوانات دائمة --- --سادسًا: الاهتمامات والشخصية-- [الرجاء ذكر أكبر قدر ممكن وبالتفصيل الممل، كل ما حكيت أكثر عن نفسك، زادت فرصة إن أحد يتفهمك ويتواصل معك لأن الصورة بتكون أوضح] - أنا إنسان بسيط يحب الأمور البسيطة والمحادثات الطويلة والتحليل المنطقي. أهتم بالسفر والتجارب والطبيعة والتعرف على الثقافات. طبعي هادئ وحريص جداً. أحب الألعاب وأفضل اللي تكون ممتعة أو فيها مشاركة أو تفكير. منتظم بالتمارين والنشاط كروتين يومي. أهتم بالأمور البسيطة اللي لها ذكرى جميلة ويمكن الاحتفاظ بها. أهتم بالتعلم والمعرفة والغذاء الجيد. ما احب المبالغات بأي شي أيا كان سواء أدوات أو غذاء أو كماليات، ولا احب التبذير أو اللامبالاة وعدم تقدير الأمور بشكل منطقي. --علاقاتك الاجتماعية؟-- -تميل للعلاقات القريبة ولا تحب الدوائر الواسعة؟ كيف علاقتك بأهلك؟ والأصحاب- - أميل للعلاقات القريبة أكثر. وما أغيب عن الجمعات قدر الإمكان وحسب التفرغ غالباً. علاقتنا كأسرة ممتازة الحمد لله وبالنسبة لي أنا الكبتن اللي دايما هو السبب ويحتمون احياناً وراه اخوانه وقت الأزمات بحكم انه البكر لكن فدا :- الاصحاب جميعهم الحمد لله علاقتي جيدة معهم لكن كثير منهم بسبب ظروف العمل وتغيرات الحياة نثرتهم في ربوع بلادنا :- --كيف تعيش يومك؟-- -وش اهتماماتك؟ كيف تقضي وقتك؟ أشياء تسويها باستمرار أو هوياتك الغريبة أو البسيطة، فضفض براحتك- - أعيش أيامي بين اللقاءات والاهتمام بأمور البيت والمسلسلات والألعاب والنادي وتعلم بعض الأمور الجديدة أو الدورات المهنية أو الحياتية، التخطيط للمستقبل بين فترة وفترة، متابعة أدائي ببعض أمور الحياة والعبادات والإنجازات، مع الراحة طبعاً. ما فيه روتين ثابت يومي وأفضّل أعيش حياتي وأنا مستمتع بكل شي لحظة أعيشها أيا كانت. --صف لنا شوي من أحلامك أو خططك الجاية-- -حياة مهنية؟ شخصية؟ بسيطة أو كبيرة؟ أي شيء تحس إنه يعبر عنك- - حياة مهنية استمر بالعمل اللي انا فيه واطور من نفسي مع مرور الوقت وأدائي للآن جيد الحمد لله.