هشام الزيني

نفسي اتجوز واحده عاديه .. يعني عاديه مش نرجسيه واحده مش بتحب الكسل ولا تكون نكديه وتكون بتحب الهزار وتكون بتحب الأكل آه عشان انا بحب الأكل☺🙂 والحلويات ومش شرط تكون بتعرف تطبخ انا هعلمها عايز واحده متحكيش لحد اللي بيحصل بينا حتى مامتها عايز اللي يحصل بينا يفضل جوا بيتنا ميطلعش بره . عايز واحده اتونس بيها وتكون سندي وقت ضعفي واحده اكون حابب اني اخلص شغلي وارجع بيتي بسرعه واحده اكون انا رقم واحد في حياتها انا نفسي اقابل واحده عاديه واحده ابقى شايف حبي ليها في ريحة الأكل اللي طالع من المطبخ وانا بفتح باب بيتنا وانا راجع من شغلي . في كوبيتين قهوه تعملهم وتقولي فاضي نشرب قهوه آه ويكون زعلها عادي واعرف اصالحا وارضيها بسرعه وتنسى الزعل اللي بينا من كلمة بحبك ❤ واحده كل ما عيني تيجي في عينها اشكر الظروف اللي جمعتني بيها واحده تكون العوض عن كل حاجه وحشه حصلت في حياتي 💔 واحده تكون ليا أمي واختي وصحبتي ومراتي واحده تكون عاديه لان الحاجه العاديه بتكون أمر رائع و حاجه نادرة الوجود