عزيز-حضري-الريا

شخص طيب ومتواضع وحنون ولطيف ورومنسي وهين ولين ومحب للخير ماني مغرور لكن واثق جدا جدا من نفسي وشخصيتي. أرى أن شخصيتي مختلفة ومميزة، ما أقول مافيه مثلي لكن من فئة الرجال النادرة ما جيت هنا عشان ألعب أو اتسلى ، اخترت اتزوج بهذي الطريقة لأن يهمني جدا أعرف شريكتي وعقليتها وتفكيرها وأتأكد أن التوافق بيننا كبير، عمري 38 بالهجري بس روحي شبابية ومرحة جدا جدا وتعطي اصغر من عمري. ما أبحث عن زوجة فقط، أبحث عن شريكة ورفيقة درب وصديقة. أنا رجل – ولست مجرد ذكر – تعلمت إن الحياة حلوة وسهلة متى ما عرفنا كيف نتعامل معها. ماني شخص مثالي لكن أسعى أني أكون أفضل. اللي تهمها المظاهر والفلوس ما أظن أكون الشخص المناسب لها، أنا ولله الحمد قادر أفتح بيت وأوفر الأساسيات، اطمح أحسن من وضعي وأؤمن إن السعادة ما تُشترى بالمال. أملي بالله كبير، وأؤمن إن وجود شريكة صالحة ومع بعض نقدر نغيّر حياتنا للأجمل. أنا إنسان هادي، متفهم، أحب الحوار، وإحساسي بالمسؤولية عالي. في نفس الوقت مرح جدًا جدًا وأحب الوناسة والضحك بحدود الأدب. إذا تبين أخلاق وتعامل ودفء في العلاقة... أبشري بالسعد 😅 جاد جدًا، ونِيّتي الزواج القريب بإذن الله مخطط يكون بعد رمضان بإذن الله وتوفيقه وتيسيره، والزواج بيكون عن طريق الأهل بعد التوافق والاتفاق، التعارف في حدود أسبوع فقط. أخاف الله وأسعى أكون محافظ ومعتدل، متوكل عليه سبحانه، وأحب التفاؤل والإيجابية. جامعي ومثقف، أشتغل حاليًا في القطاع الخاص، وطموحي مستمر بإذن الله. شكلي مقبول ويقولون عني مملوح بس دبدوب شوي 🌚، طولي 180 ووزني فوق الطبيعي شوي 😅. ساكن جنوب غرب الرياض -السويدي وضواحيها-. أحب النظافة والترتيب والروائح الجميلة، وأميل للحياة البسيطة الهادية. أهوى التقنية وكل شي يسهّل الحياة، وأحب التصميم الجرافيكي كهواية. أعرف أطبخ وأعرف اسوي حلا - بنسوي تحديات 😋 -، وأحب أكون خفيف ظل على الناس. أقدّر العائلة والعِشرة الطيبة، وأوازن بين الجد والمسؤولية والمرح. عندي ولد عمره 5 سنوات، يعيش مع أمه حاليًا، وأتمنى ألقى زوجة تتقبل وجوده سواء زيارات أو لو بيعيش عندنا مستقبلا