Iman Idressi

جبر الخواطر والود واللين وطيب المعامله صفات ما بتتعلمش ، ما بتكتسبش ، دي صفات بتطلع من القلب ، وبتبان في العين وفي طبطة الإيد علي الكتف ، جبر الخواطر في رأي شئ من سلامة النفس ، الناس الجميله اللي بتحترم زعلك وبتقدر عتابك و بتسامح لحظات إنفعالك ، الناس اللي دايما في كلامها حقك عليا ، متهونيش عليا ، كله إلا انتي ، الناس اللي دايما بتبدأ اي حوار بالمهم إنتي أخبارك ايه ، طمنيني ؟؟ الناس اللي بتسأل رغم الظروف ولو بكلمتين ، و بتكون حاضره معانا دايما ولو من بعيد .. الناس إختيارات فإختارو اللي يطيب خاطركم ويحنو علي زعلكم و يقدر عتابكم قبل سؤالكم ، اختارو تعيشو مبسوطين راضين واثقين شايفين ولامسين غلاوتكم في عيون كل اللي حواليكم ، اختارو السند والأمان ، وافتكرو دايما انكم تستحقوا تكونو مبسوطين