I'm Ahmed yazid, 35 years old from Egypt, searching for a wife, and my ID on Mawada is 11285695.

Premium membership

Nationality, residency and familial status

أنا كل حاجه و عكسها… جدّي وقت الجد، ومجنون وقت الفرح. هادئ كالبحر قبل العاصفة، لكن لو غضبت تبقى الدنيا دوشة. أحب النظام والترتيب… ومع ذلك ساعات أعيش الفوضى وكأنها بيتي. أعشق الضحك والهزار، ومع ذلك فيّ مساحات كبيرة من الصمت والتأمل. قلب طفل، وعقل رجل كبير، وروح مغامر مش بيخاف يجرب. حنون لدرجة تخليك تفتكري إني أضعف مخلوق، لكن وقت الشدة أبقى جبل ما يهزّوش ريح. أحب الاهتمام وأدي أضعافه، وأحب أكون سند وقت ما الكل يتخلى. أدور على شريكة حياتي اللي تفهم إني مزيج من التناقضات… وتحبني بكل تفاصيلها.

عايزها فوضوية من جوه، ملخبطة ومش مرتبة، وأنا اللي أجي أظبط الدنيا وأحط كل حاجة في مكانها. عايزها حزينة ومملة، وأنا الوحيد اللي يعرف يفرّحها. عايزها قوية وقاسية ومفيش حد يقدر يقرب منها، وعفوية مابتتصنعش، على طبيعتها زي ما هي. وحيدة، تواسي الكل وقت حزنهم، ومحدش يواسيها وقت حزنها. تفرّحها أبسط الحاجات، وتزعلها التفاصيل الصغيرة اللي محدش واخد باله منها. عايزها مختلفة عن البنات، بتحب ترقص تحت المطر، وبتحب السهر. مش عايزها يكون ليها صحاب، أنا أبقى صاحبها الوحيد. مايهمهاش شكلها كتير، مؤمنة إن اللي بيحبها هيحبها عشان هي هي، مش عشان شكلها. عايزها مجنونة، تيجي تصحيني وأنا نايم وتصرخ في وداني، وده مايزعّلنيش أبدًا… بالعكس، أجري وراها في البيت وأحضنها. مش عايزها تعرف تطبخ، نتعلم سوا ونولع المطبخ كله لو لزم الأمر. وعايزها زي العيال الصغيرين، يفرّحها الاهتمام ويكسرها الإهمال ❤️