MahmoudEbr

انا من اسرة صغيرةوبسيطة فارقها والدي الله يرحمه هو من سوهاج من عيلة كبيرة ووالدتي من كفر الشيخ من عيلة محترمة ومتدينة امي طيبة وذكية ومديرة بيت شاطرة وهي ربة منزل لا تعمل واخويا اصغر مني ب سنتين دي اسرتنا الصغيرة منزلنا ف الاسكندرية ولكن انا مقيم ف القاهرة وناوي استقر ف القاهرة بنسبة كبيرة من الناحية العملية والشغل انا شغلي بعيد عن دراستي ومنفصل عنها تماما دخلت كلية الحقوق ومهتمتش بيها طموحي كان بعيد عن المجال السياسي والقانوني وبدات اذاكر مع نفسي في مجال تاني وبتوفيق من ربنا وصلت لمستوي احترافي فيه وبقا دا شغلي وكاريري انا بشتغل فنان شخصيات ثري دي وشغلي بيدخل ف مجال الاعلانات والالعاب و وافلام الكرتون وغيرها تخصصي في مجال الالعاب ولكن شغلي حاليا ف مجال الاعلانات لان مجال الالعاب نادر ف مصر طموحي اكبر وبشتغل علي نفسي دايما واطور من نفسي من الناحية الدينية انا متدين ومحافظ علي الصلوات وملتزم بصلاة الجماعة ومستمر في حفظ القرآن وبتحري الحلال ف حياتي والجانب الديني مهم جدا بالنسبالي انا مش شخص مثالي يعني بقوم واقع بس دايما بحاول احافظ علي التزامي واتمني زوجتي تكوني داعم ليا وانا كمان داعم ليها من الناحية دي نعين بعض علي الطاعة من الناحية الشخصية انا شخصيتي هادي خجول شوية وطيب نادرا ما بتعصب بس عصبيتي وحشة مش فاكر امتي اخر مرة اتعصبت طموح وذكي وملتزم بالمسؤولية وحنين وفي جانب رومانسي مني بس لسة محدش شافه 😂 من ناحية الشكل والمظهر انا شخص نظيف بحب النظافة وبهتم بيها وستايلي ف اللبس بحب اللبس الهادي الشيك مش بحب البس حاجة مجنونة مش بتعبر عن شخصيتي او حاجة فورمال بحب الحاجت العصرية اكتر واللبس المريح وطويل شكلي مقبول من الناحية المادية انا مش بخيل خالص انا مرتبي كويس بس مدخراتي قليلة جدا ومعنديش شقة غالبا هتجوز ف ايجار او لو ربنا كرمني بشغل فريلانس كويس ممكن اشتري شقة ف القاهرة بس حالياً علشان اكون صريح وضعي المادي حلو بس مش جاهز ادفع فلوس كتير وبدات احوش علشان اجهز نفسي لمصاريف الزواج انا اقدر اصرف علي بيتي عادي لان دخلي كويس واحيانا بيجيلي فريلانس بيزود من دخلي الحمد لله وبسعي للحلال وسايب التدبير علي ربنا وواثق ان ربنا هيوسع عليا لما اخد خطوة اقرب للجواز ودا وعد ربنا لشباب المسلمين انا بدور علي بنت عايزة العفة وتبني بيت صالح بعيدا عن التباهي والمفاخرة دا مش هدفي خالص بس كدا انا بكتب التفاصيل اللي اقدر عليها علشان كل حاجة تبقي واضحة واكيد مستعد اقدم تنازلات للشخص اللي يستاهل. ربنا يوفق الجميع يارب