Desember123

شريك حياتي اللي أتمناه: أبغاه يكون سند حقيقي… حضنه أمان، وكلامه راحة، يشيل عني ثقل الدنيا مو يزيده. يكون كفو، مسؤول، وواقف على رجله، يعرف قيمة المرأة، ويقدرني مو عشان شكلي، عشان روحي وعقلي وقيمي. يخاف الله، ويعاملني بما يرضي ربه، مو بمزاجه. أبغاه ناضج عاطفيًا، ما يهرب وقت الزعل، يعرف يحتوي، يسمع قبل ما يحكم، ويهدّي قبل ما يجرح. يكون صديقي قبل يكون زوجي، نضحك، نمزح، نجرب أشياء جديدة، نعيش الحياة سوا بحلوها ومرها. أبغاه يحبني بصدق… ما يمل، ولا ينسى، ولا يتغير مع الأيام، يكون “ثابت”، ما يتبدل مع الظروف شكله؟ ما أطلب الجمال المبالغ، بس يكون مقبول ، ريحته طيبة، لبسه نضيف، حضوره يلفت بدون ما يتكلم.. وظيفته؟ شخص مستقر، ناجح بطموحه، مو ضروري غني، بس عنده هدف يشتغل عليه ومو ناوي يوقف. شخصيته؟ واثق، هادئ، لكن فيه حنية تكسر القلب، ومواقف تبين إنه رجل يعتمد عليه. ويكون غيور عليّ بذكاء، يحسسني إني مُلكه بدون ما يسجنني، يحترمني كأنثى ويحميني كزوجته نعيش سوا حياة بسيطة بس حقيقية، فيها حب، دفء، طموح، وراحة… ويكون هو العوض اللي دايم ادعي ربي فيه