M111324

هلا.. أنا فنانة، أحب الرسم وأعشق الألوان، وكل شي فيه لمسة جمال. حتى ادق التفاصيل له طابع خاص، لأنه يعبّر عني. أحب الرياضة، والمشي، والحركة اللي تخليني أحس بالحياة. أحب الحياة والرحابة والسعة ، وأشوف الجمال فالتفاصيل اللي يمكن غيري ما يلاحظها. اجتماعية وأحب الناس، بس بعد أقدّر جلساتي مع نفسي، أسمع لي بودكاست يلهمني، أكتب، أهدأ، وأروق، واعيد اشحن بطاريتي . أحب أطور نفسي دايم، أتعلم لغات، وأحسّن من أسلوبي وكلامي. أحب الحوارات العميقة، وأنجذب للعقول الذكيّة اللي عندها شي تقوله، مو بس كلام وبس. أحب الحياة بطريقتي، ما أتحمّل الروتين ولا أحب التكرار، دايم أدور شي يحمّسني، يخليني أعيش اللحظة وأحس إني فعلاً موجودة. أحب الأشياء البسيطة اللي تصنع ذكريات، زي نخبز كوكيز بنص الليل، نضحك على فيلم قديم، أو نخطط لسفرة فجأة بدون ما نفكر كثير. أحب أكون مع شخص نشارك بعض كل شي، حتى أتفه التفاصيل. ما أبي علاقة كلها رسميات، أبي واحد يكون صديقي قبل يكون شريكي، نعيش الحياة سوا بكل فوضويتها وجمالها. أحب الناس اللي عندهم روح، مو بس حضور. اللي إذا تكلمت معه، أحس إن الوقت يطير، وإذا سكت، أحس بالأمان. أنا عفوية، وقلبي كبير، وأحب أكون مع اللي يخليني أكون على طبيعتي… بدون تصنع، بدون قناع، وبدون ملل ما أعتبر نفسي شاطرة فالمطبخ، بس مؤخرًا صرت أجهز وجباتي الصحية بنفسي، والاحساس؟ غير، حلو وشين شوي🫢 بس استثمار كويس ف الصحة أنا بسيطة، ناعمة، قوية، وأنثى تعرف وش تبي من هالدنيا، وتعرف تضيف لها لمستها مقيمه من مواليد مكة