جاد_زواج_معلن

أنا جذوري كلها سعوديه حضري مني قبيلي وينتهي بإسم عائله ، من أهل مكة، ومستقر حاليًا بالرياض كريم، حنون، عفوي، عاطفي، كتوم بطبعي، حساس، صبور، قنوع، واضح وصادق، أكره اللف والدوران، وأحب المواجهة والصراحة، وأكره الأسلوب الهمجي، وأحب الكلام الراقي المحترم مهما كان الموقف. أحب النقاش الهادف، وأعيش حياتي بعفوية بدون تصنع، خفيف دم وبنفس الوقت جدي وقت الجد، أحب الطقطقة والضحك والسواليف، وأحب الراحة النفسية بالبيت والكلام الطيب مهتم بنفسي وبشكلي ونظافتي، ومهتم أكثر بنظافة قلبي ونفسي، ما أظلم ولا أتكبر، وأتعامل مع الكل باحترام بدون تفرقة، وأحب أساعد اللي حولي حتى لو بشي بسيط أحب أكون إيجابي مهما كانت الظروف، أقدّر الخصوصية وأحترم المساحة، إنسان منصت جدًا، ودايم أركز على التفاصيل الصغيرة اللي تفرق كثير عند الشخص اللي أحبه أحب أحتوي، أعرف أراعي، أعرف متى أتكلم ومتى أسكت، وأحب أعيش مع شريكتي كل تفاصيل الحياة: من الاهتمام، للعناية، للاحتفال بكل مناسبة نمر فيها، حتى أعياد الميلاد والخطوبة والزواج نسوي لها جو وذكريات أنا من النوع اللي إذا حب، يعطي من قلبه، ويهتم بأدق تفاصيلك، من مزاجك، لنفسيتك، لراحتك، حتى وقت الدورة الشهرية أعرف وش تحتاجين، ووش لازم أقدم لك، وأهتم بك من كل جهة: نفسية، جسدية، عاطفية، وحتى صحية -تعليمي- معي بكالوريوس إعلام – تخصص علاقات عامة، ومعي 28 دورة تدريبية محلية وعالمية، وعندي خبرة عملية تتجاوز 12 سنة في مجالات مختلفة إنسان أحب أتعلم وأطور من نفسي، ومطلع على مواضيع مثل الطب، علم النفس، العلاقات الزوجية، والتعاملات الإنسانية، عشان أكون إنسان واعي في كل جوانب الحياة. -وضعي الحالي - الشروط-أنا حالياً باحث عن عمل، وواثق إنها فترة مؤقتة، وبإذن الله أعديها وأرجع أقف على رجولي مثل أول وأحسن اللي أبيه من شريكة حياتي: إنسانة موظفة وعندها سكن مستقل، ما أطلب هالشي طمع ولا اتكالية، لكني أحتاج وحدة توقف معي في هالمرحلة مثل ما أنا ناوي أوقف معها طول عمري. أنا يتيم الأب والأم، وما عندي أخوان ولا خوات، ما لي سند بعد الله غير نفسي، وربّي شاهد إني بنيت حياتي من الصفر، لا عزوة، ولا ظهر، ولا ترف، لكن بالصبر والاعتماد على الله قدرت أوصل وأحافظ على نفسي وكرامتي اللي تأخذني على وضعي الحالي، أوعدها، وأقسم بالله، وقت غناي بتشوف كيف أرد الجميل بكل شيء: تعاملي، مالي، ووفائي أنا ما أؤمن بالزواج على ورق، أنا أؤمن بشراكة عمر، وسند، ورفيقة درب