مستفز و غريب

انا مش بدور على كمال انا بدور على انسانة حقيقية فيها عيوب بس بتعرف تعتذر فيها طيبة بس مش ساذجة فيها عقل بس مش متجمدة نفسي في شريكة تبقى صديقة قبل ما تبقى زوجة بنت ناس مش بالشهادة بالاصل والتربية عارفة يعني ايه حلال وان الحياة مش مسلسل تركي عندها ضهر فيا مش بس محتاجة ضهر بتضحك من قلبها وبتزعق لما يوجعها مش بوشين انا راجل بسيط لكن تقيل بمعنى الرجولة مش بمعنى الجيوب لو بتدوري على حياة نكملها بشراكة مش تمثيلية فيها بطل وممثلة مساعدة بدور على واحدة دماغ قبل ما تكون جسد على واحدة تحبني وانا واقع مش بس وانا لابس بدلة واحدة بتضحك في وشي لما الناس تهاجمني وتهاجمني لما اغلط عشان ارجع راجل مش بفتش عن ملاك بس عايز واحدة بتخاف ربنا وبتحس وبتمشي جنب راجل مش بيتبدل حسب مزاجها لو بتدوري على فيلم انا مش ممثل لو بتدوري على حياة يمكن نكتب سطرين مع بعض ولو صدفتك في عز لخبطة وقلتي يا رب ابعتلي طوق نجاة يمكن اكون انا الدعوة اللي اتقالت من غير صوت يمكن نكون احنا الاتنين اجابة لبعض انا مش بحب الورود الصناعي ولا العلاقات المعلبة انا بحب العشرة اللي فيها ضحك ومزاج وأمان بحب الست اللي تبقى حضن مشهد مش بيتكرر واللي وجودها يطمنك وانت ساكت بحب اللحظة اللي تخليني اقول الحمد لله اني ماستسلمتش واهم من كل ده اني بدور على بنت حلال نبدأ سوا من باب البيت مش باب القهوة واحدة نكمل بيها الطريق ونقرب سوا من ربنا ونعيش بحلال مش مؤقت ونبني بيت مش بس من طوب لكن من دعاء وسُترة وسند