قراءة ملفي جيدا

اتمنى التركيز في القراءة تجنبا لأي سوء تفاهم ، ولو مناسب ضيفيني اهتمام ولو مش مناسب مفيش داعي لأي رسالة تجرح عشان انتي ما تعرفيش ظروف حياتي ، انا هنا ببحث عن جواز من ست عايشه لوحدها أو مع اطفالها من القاهرة الكبرى ، قاهرة وجيزة وقليوبية، تكون عايزه العفة والونس وبس ، مش فارق معاها الماديات نهائي ، انا عايش مع والدتي واخواتي ومسؤول عنهم ، مش هينفع اعرفهم بخصوص الجواز وعارف ان النقطة دي مصدر حساسية لكن هو ده الوضع المناسب حاليا ، طيب هل هتكون إقامة كاملة ، الإجابة لا ، هكون خمس ايام مع مراتي ويومين مع اهلي أو حسب ما نتفق والمناسب لمراتي عادي وهقول لأهلي ان ظروف شغلي بتخليني ابات بره ، مش هقدر اجيب شبكة ولا عفش ومهر ، طيب هل ده معناه اني جاي اتسلى ، خالص والله ، انا عايز جواز مستقر ومستعد اكتب المؤخر المناسب اللي يطمن الزوجة اني جاد ، وبعيد عن أي حاجه ربنا شاهد عليا ، انا مش محتاج حد يصرف عليا ولا على اهلي الحمد لله عشان بس محدش يقول كلام بايخ بالعكس أنا على قد ما اقدر هحاول اشارك في مصاريف البيت مع مراتي ، انا عايز انسانه مش فارقه معاها الماديات وهدفها تلاقي حد يكون عفة وونس ليها ، الجواز حسب رغبة الزوجة يكون عند مأذون أو محامي حسب ظروفها والمناسب ليها معنديش مشكله ، انا واضح لأقصى درجة ممكنة فياريت محدش يقول كلام جارح مالوش داعي ، هي دي ظروفي وهي دي حياتي ، لو مناسبة ليكي وعايزه عفة وونس تمام ، ضيفيني اهتمام ، مش مناسب تجاهليني ببساطة ربنا يصلح حال الجميع .