Ahmedelkayal89

‎انا الحمدلله مريت بتجربه و كان نصيب ربنا و اللى كاتبه انها متكملش.. ‎انا بقى كانسان اهم شئ بالنسبالى انى يكون عندى بيت فيه دفا و حب و طمأنينه و سلام.. عايز الاقى الانسانه اللى تستاهل فعلا كل المشاعر اللى جوايا و انى ابنى معاها بيتنا و حياتنا. انا بدور على واحده متوافقه معايا روحيا.. نتقبل بعض بقلوبنا و نختار بعض بعقلنا. نكون على طول فيه صراحه ما بيننا فى كل شئ.تكون هى سكنى و اكون سكنها. نطور على طول من نفسنا كاشخاص و فى نفس الوقت يكون اول حاجه مهمه هى حياتنا الجميله سوا و بيتنا و اولادنا ان شاء الله و اننا نعين بعض على القرب من ربنا دايما و نكون خير لبعض لاخرتنا قبل دنيتنا. ‎ بحاول اتطور و اتعلم و ابقى افضل مع الوقت. بحاول احافظ على الصلاه و بحاول ابقى افضل دينيا و قلبيا و عايز شريكتى تكون معايا على نفس الخط و تكون بنفس دماغى و نكون سوا بنساعد بعض و بنلاقى لذة الحياه فى قربنا من بعض و انسجامنا و قربنا من ربنا. ‎الحياه بالنسبالى رحله الى الله عز و جل لاننا كلنا راجعينله فى الاخر و الكلام ده مش معناه انى كويس اوى فى عبادتى او فى قربى لله بالعكس عندى اخطاء كتير و تقصير كتير بس بحافظ على صلاتى الحمدلله و بسعى دايما انى ابقى افضل و احسن فى قربى و عبادتى لأن مفيش حاجه فى الدنيا اهم من كده بما يعيننى عليه ربى.. و الكلام ده بيترتب عليه حاجات كتير فى الفكر و طريقة الحياه فأنا بدور على شريكه تكون مشاركانى نفس الرؤيه ‎انا بحب اقرأ - القران بالاخص و بحاول انى اكون افضل فى الفهم و التدبر و اتمنى شريكتى تشاركنى كده و تكون حابه ده-، ركوب العجل - بقالى كتير ممارستش بس مؤخرا رجعت و حاببها اوى و ان شاء الله اكمل على كده -- اسبح، اغنى، العب video games -اوى 😁-- اتفرج على افلام و مسلسلات انجليزى و انمى -اوى برده 😂😁-، الاكل 😅😂 ‎و بحب ان شريكتى تشاركنى فى الحاجات اللى بحبها و تعملها معايا زى ما برده هكون عايز اشاركها. ‎بحب البساطه و عدم التكلف و الصراحه و الوضوح فى التعامل ‎نفسى الاقى الانسانه اللى هتملى عليا حياتى و املى عليها حياتها و نكون سعداء سوا و نبنى بيت مسلم كويس سوا و نعين بعضنا على العباده و القرب من ربنا ‎انا لعبى جدا و بحب الهزار.. جد جدا وقت الجد، و باقى الوقت مبحبش غير انى اقضى وقت جميل كله لعب و ضحك و ابتسامات و هزار و فرفشه و الش 😅 و تفاهه 😅😅 .. بس فى نفس الوقت انا ممكن اكون من اكتر الشخصيات الجديه اللى ممكن تقابليها فى حياتك كفكر ‎بيقولوا اللى بيقول على نفسه طيب مبيبقاش طيب. بس انا طيب اوى والله 😂 ‎انا لو فضلت اتكلم الكلام مش هيخلص فكفايه كده 😂 ممكن اى حاجه زياده تتعرف بعدين ان شاء الله فى التعارف لو فيه نصيب