Karim elhakm

الزوجة اللي بدوّر عليها تكون ست بجد، مش بشكلها، بس بعقلها وقلبها. تكون محترمة، عاقلة، وقادرة تشيل مسؤولية وتعيش بالحلال من غير ما تتكلم كتير أو تهوّل الأمور. ما تتهزش مع أول مشكلة، وما تمشيش وقت الضيق، تكون سند وشريكة مش زائرة مؤقتة. تبقى جدعة، فيها أصل، ما تبيعش ولا تخون ولا تِجرّح. تبقى ست بيت وعندها رحمة، وعارفة قيمة الراجل اللي بيكافح عشان يبني حياة. مش مهم تكون ملكة جمال، بس تبقى نظيفة، مهتمة بنفسها، وتحافظ على بيتها وجوزها. مش مهم تكون عندها شهادات، لكن تكون عندها وعي، وتحترم الكلمة والعِشرة. أنا مش بدوّر على تمثال، أنا بدوّر على إنسانة، نكمل بعض ونبني بيت ربنا يبارك