اللهم تقيا نقي

مواصفات راجلي السلام عليكم ورحمة الله وبركاته، بغيت راجل مغربي، ابن بلادي، مستقر فالمغرب مادياً ونفسياً، عارف راسو، وواقف على رجليه، ماشي تايه أو كيقلب غير على مؤقت. ماشي ضروري يكون غني، ولكن خاصو يكون قادر يعيشني بكرامتي بلا ما يلوّح كلام على المصاريف، أو يحسسني أنني عبء عليه. خاصو يكون راجل تقي، كيعرف الله، وكيحطو قدّام عينيه فكل تصرف، ماشي كيصلي فقط، ولكن كيتقي الله فتصرفاتو، فكلامو، وفالمسؤولية ديالو. باغية راجل فيه الغيرة المحمودة، اللي كتبين الرجولة ماشي الشك، واللي كيغير على حلالو بحب واحترام، ماشي بعنف وتحكم. ماشي محتاجة راجل يشري لي لباسي ولا يقولي من بداية المحادثة "نتهلا فيك ونشري ليك الماركات"…وبغيتك تلبسي ولا تقادي راه الأنثى اللي واعية براسها، عارفة تهتم بنفسها، ماشي محتاجة منو دروس فالأنوثة. أنا بغيت راجل يعترف بيّا، ويهزني فوق راسو بلا ما يحسّسني أنني منّة أو فضل. الشكل ماشي هو كلشي، المهم يكون مقبول، نظيف، معتاني براسو، وكتبان عليه الرجولة من نظراتو وأسلوبو. باغية راجل صادق، كلامو محسوب، ماشي كيهرّس الثلج بكلام غزلي ولا كلمات محفوظة. اللي فعلاً ناوي، يتقدم بنية الزواج، ومايضيعش وقتي ولا وقتو فالرسائل اللي بلا طعم. ماشي جاهزة نطول فالهضرة، ولا نفتح قلبي قبل النظرة الشرعية. أي راجل مازال ما حسمش أمره، أو باغي يشوف ويتعرف ويفكر… الله يعاونو، ولكن يمشي فحالو. أنا امرأة محترمة، طيبة، ولكن واعية. خديت كفايتي من الخيبات، وماشي كل من هدر معايا غادي ندير ليه مكان. اللي باغي يتواصل، يتواصل برجولة، وبنية واضحة، وباحترام. والسلام.