هنوصل

--- أنا انسانة هادية وناضجة، مش بجري ورا المظاهر، لكن بحب الجمال الحقيقي اللي جواه راحة وسكون. مهتمة بنفسي من جوه قبل برّه، ودايمًا بسعى أكون النسخة الأفضل من نفسي. وبسعى للسلام النفسى بكل وعي وحب، وبهتم بروحي وأنوثتي كجزء من رحلتي دي.. لأنّي مؤمنة إن الأنوثة مش شكل بس، دي طاقة وحضور واحتواء. بحب الحياة بطريقتي.. بحب السفر والخروجات الحلوة، وفي نفس الوقت بعشق البيت والهدوء ولمّة الدفا. .الحمد لله حلوة .انيقة..رياضية مهتمة بنفسى جدا شكلا ومضمونا وشكلى اصغر من سنى على الاقل عشر سنين. بحلم بشريك يكون راجل بمعنى الكلمة: حنون وقت الحنية، وسند وقت التعب، وصاحب عقل يحترم عقلي، وقلب يحتويني وقت ضعفي. مش بدوّر على كمال، بدوّر على راحة.. على علاقة فيها صدق، وفيها ضهر وسُترة، نبني فيها بيت مليان حب وسند بيعرف بعيش الحياة ويتبسط.مقيم بالقاهرة فقط لسهولة وسرعة التعارف....... طيب هوضح كذا حاجة لانى لاقيت العجب ف عشر دقايق...انا هنا للزواج الرسمى فقط فقط.لا للصدقات ولا للعلاقات ولا للرغ فالتليفون.. الاعضاء بتوع زوجه شخصيتها قوية وملكة ويبقى خدامى والكلام دا يبعدوا عنى نهااائى.. الاعضاء العشرينين والتلاتنيين عاوزة اقولهم انا مش داخلة هنا اهزر ولا بدور على حد اشيت واضيع وقتى معاه.فبرده ياريت تبعدوا عنى نهائى... التليفون بالنسبة لى يدوب عشان نتفق فيه على معاد ومكان عام نتقابل فيه ونتعرف على بعض مش عشان اتعرف عليك فيه..انا مابتعرفش على حد فالتليفون ولا بحب رغى التليفون. الى مسافر وموجود اجازة هنا فالقاهرة تمام الى مش موجود اكيد هيلاقى واحدة تناسبه غيرى. وشكرا جدا لاحترامكم رغباتى