I'm Ahmed yrd, 35 years old from Egypt, searching for a wife, and my ID on Mawada is 10833619.

Premium membership

Nationality, residency and familial status

مهندس إنشاءات من القاهرة، اشتغلت على نفسي كتير… مش بس في الشغل، لكن كمان في روحي، وجسمي، وطريقتي في الحياة. بحب أعيش بتوازن: بتمرّن علشان أفضل قوي، وبأهدّى بالتأمل علشان أفضل هادي. عندي طموح مش بيخلص، بس ما بسيبش يوم يعدّي من غير ما أعيش لحظة حلوة. شخصيتي، ممكن تقولى محبوب من اللي حواليا، عارف أضحك وأسمّع،بس كمان لما بتكلم… الناس بتسمع. أنا مش برسم حلم، أنا ببنيه… وبدوّر على شريكة تبني معايا. حد نضحك سوا، نغلط سوا، ونتعلم سوا. أنا مش كامل… بس مستعد أكون كامل ليكي. عندي القدرة على القيادة… مش بالتحكُّم، لكن بالحب، والهدوء، والقرارات الحكيمة. اللي يحبني هيلاقي راجل واقف جنبه في الزنقة، وبيفرح له من قلبه في النجاحات. بصدق… أنا مش بدوّر على واحدة تعدي الوقت، أنا بدوّر على واحدة نعدّي العمر.

مش عايزك تكوني كاملة، ولا عايزك تفكي الشفرات… أنا بس عايزك تكوني طبيعية، تضحكي من قلبك، وتفتحي قلبك، وتعيشي زي ما بتحسي. أنا مش فارق معايا إنك تعرفي تطبخي زي الشيفات، كفاية إنك لما نرجع من يوم طويل تقوليلي: "تعالى نرمي همنا ونضحك سوا". أنا بدوّر على شريكة مش بس تحبني… لكن تشجعني، وتقوللي: "قوم… أنا وراك". شخصية عفوية، دمّها خفيف، وعيونها فيها حنية بتطمنّي. مش بيتهز بالمظاهر، أنا بتشد للروح الحلوة… للواحدة اللي لما تكلمني، أنسى الدنيا… وأقول لنفسي: "الحياة دي مش وحشة… طول ما هي فيها". أنا هكون ضهرك، وسندك، وأمانك. هضحكك حتى وإنتِ زعلانة، وهسمعك حتى لو كلامك متلخبط. مش بدوّر على لحظات حلوة بس، أنا بدوّر على عمر كامل.