ashraf 74

مساء الخير عليكم جميعا ، الحقيقة انى بقيت مستغرب جدا من متطلبات البنات و الستات فى الجواز ، تلاقى مثلا اللى كاتبة عايزة واحد وسيم ، او غني ، او عنده شقة فى الرحاب كشرط اساسي للجواز و تيجي فى الاخر و تختمها بأن اشباه الرجال يمتنعون 🤔 ،انتى اللى بتختاري اشباه الرجال بالشروط اللى بتختاري على اساسها ، هانتكلم و هانعرف بعض كويس، الجواز مش وسيلة للشفاء من تراكمات العلاقات السابقة، انتى لازم تكونى متعافية تماما قبل ماتفكري تدخلي تجربة جديدة ، الجواز سكينة و طمأنينة ، الماديات مهمة طبعا علشان نقدر نعيش ، لكن عمرها مكانت مصدر للامان والا كانت حالات الطلاق اقتصرت على الفقراء بس ،و سواء كان لينا نصيب مع بعض او لأ، لازم تعرفي ان الامان الحقيقى انك تعرفى تختارى حد يحبك ، حد بيخاف من ربنا قبل ما يخاف عليكى ، حد بيعرف ازاى يراعى مشاعرك ، حد قادر و عنده الاستعداد انه يسعدك قبل مايكون قادر على تحمل مسؤليتك ،حد بيعرف يضحك و يطبطب بمناسبة و بدون مناسبة اتعلموا ازاى تختاروا شريك حياة مش ازاى تختاروا حد مناسب لأحلامكوا ، اتعلموا ازاى تنبسطوا بحياتكوا زى ماهى واختاروا ناس مريحة مش ناس مناسبة 🙏🥰، و علشان نوفر على بعض الوقت ⌛عايز واحدة مش عايزة تخلف