ألــصـقـار

ما ادري ليش تذكرت ابو عجيب لما سألوه وش مواصفات شريكة حياتك قالهم اي شي 😂. لا لا طبعا امزح بس ما اعرف ليش طرى على بالي وماحبيت تقولوا عني نفسية 😂. المهم هذا انا: قبيلي وحيد اهلي يتيم الأب من فترة طويلة ثم يتيم الأم وعشت فترة طويلة لحالي. انا في الأساس من مواليد الدمام بس عشت فترة في الخارج بسبب بعض اعمال والدي وايضا للدراسة قبل ما اوقف. رجعت الدمام من فترة طويلة للعمل والآن أنا إداري في شركة بين الدمام ودبي وعملي الخاص في المنطقة الشرقية. الحمد لله وظيفتي ممتازة وعندي بعض الأشغال الخاصة بي والحمد لله وضعي المادي اقدر اقول ممتاز. حالتي الاجتماعية متزوج من جنسية عربية بسبب معرفتي لوالدها لكن مع وقف التنفيذ 😂 لا اللي ساكنين مع بعض ولا اللي نشوف بعض دايم لانها بين كندا وبلدها والحياة ماشيه ونتقابل كل كم شهر. اللي راح ارتبط فيها ماراح اقبل ان تكون الا من ديرتي او المحيط اللي ساكن فيه يعني حولك حواليك لان العادات متشابهه ممكن في اضيق الحالات بس بشرط السكن معي في الدمام. محب كثير للسفر كنت ما افوت اي اجازة لو اسبوع وأطير بس خلاص ركدت الفترة الاخيرة لانه اندبلت كبدي ماغير ادربي راسي ما معي احد. بالنسبة لسكني فأنا لوحدي محد حولي الا بعض الاهل او الأصحاب اللي يزوروني. علاقتي مع اهلي وقبيلتي شبه محدودة لوجود بعض المشاكل القديمة. تعبت من السكن لحالي والاكل لحالي والطلعات لحالي احب الفعاليات والمقالب 😂 عشان كذا ودي اقلب البيت برنامج الحصن 😂. نقطة ضعفي العطور والبخور والعود والشموع العطرية اشتريهم وانا مغمض. الحمد لله اني من جيل تربينا على الخير والصدق والامانة والمحبة والصراحة. نخجل من الغلط حتى لو ما سويناه. صحيح تذكرت انا حاط اني مدخن بس انا موقف من زمان بس احيانا مع الضغوط تهف نفسي على حبة دخان وحتى ما أكملها. وبالنسبة لوزني زاد في الفترة الأخيرة لأني اهملت النادي بس ان اشاء ارجع مره ثانية. المستحيلات بالنسبة لي هي لا اشوف احد يسألني عن سنابي او تواصل خارج الموقع وما عندي سواليف التعارف والمراسلات فترة طويلة وخرابيط المسيار والسري وهذي الأمور اللي ما اعرف من وين طلعت سلامات ما اظن اللي باخذها ناقصها شي او ترضى على نفسها هالشي. اذا الله كتب تكون المراسلة على الخاص هنا واذا فيه توافق واتقدم رسمي وبصراحة بعطي هذا الموقع فترة كم شهر اذا ما صار نصيب حذفت الحساب. اتوقعت اني لخصت حياتي في كم سطر وكل اللي كتبته طالع مني بكل صدق ولا راح أرجع اقراه ولا قلبي مليان كلام بس اخاف اطلع عن الدرب 😂. دايم إذا جيت أتكلم أحس نفسي محتار ما ادري هل أقول القليل؟ أخاف أنسى أشياء كثير داخلي وإذا قلت اللي أحسبه مهم أخاف اكون ما عبرت عن نفسي صحيح وأحيانا حتى الكلام يعجز وفي القلب شي ما ينقال لا بلسان ولا بعيون. الغريب البعض يراسلني ويختفي هذا وش سالفته 🤔 ومو كاتب اي شي عنه في ملفه انا وش ابي بعمرك ولون بشرتك. ولا اللي تراسلني وتشرط بدون انجاب خير ان شاء الله. ربي يوفقكم جميعا واسأل الله ان يحقق لكم امنياتكم. تحديث: غبت فترة طويلة عن الموقع واليوم رجعت واحس الوضع محد جاد وحذفت كل الرسائل وبعضها بدون ما اشوفها لأنها قديمة لكن بخليها مستميته الى اخر لحظة. وبما ان الوضع كذا بكتب يومياتي افرغ فيها طاقتي. اليوم ٢٢ رمضان قررت اسوي لقيمات لأني ما اذكر متى اخر مرة اكلتها المهم سويت كل شي مثل اليوتيوب لكن اللقيمات صارت قنابل صارت تطير في المطبخ مثل الفشار 😂. اليوم ٢٤ رمضان وباقي مستمر واحس فيه تحسن لكن التقديم لك عليه اللقيمات كأنهم جنايز في الصحن قاعد اكل واستغفر. اليوم ٢٥ رمضان حبيت اغير وقلت اسوي اصابع جبن شريتها مفرزنه بس بدل ما تكون اصابع جبن صارت اصابع غوريلا. اليوم ٢٦ رمضان ما سويت ولا شي لأني خلاص استسلمت 😭. اليوم ١٤ شوال وبكره دوام بعد اجازة طويلة لكن بسبب بعض الرسائل اللي تركت موضوع الزواج وتسألني وش سويت اخر الأيام في رمضان بجاوبهم اني قضيتها سحور وفطور اندومي. اليوم 16 أبريل واحب اقول الحمد لله الذي بنعمته تتم الصالحات وأخيراً قابلت أم علي شفتها في محل حلويات وشريتها. اليوم ١٧ ابريل صحيت الصباح وأحس أني إنسان جديد بعد لقاء أم علي بس اكتشفت إن قلبي مو مستعد يرتبط بحلى فيه 4000 سعرة حرارية. اليوم ١٨ ابريل فتحت اليوتيوب اشوف وجبات صحية وسريعة بعد دقيقتين طلع لي اعلان بيتزا 🫣. اليوم ١٩ ابريل واخيرا كملت حلقة كاملة من مسلسل رمضان اللي ما بغيت اخلصه. اليوم تاريخ ٢١ ابريل الموافق ٧٨ شوال مافي شي بس فضفضه من عندي. اليوم ٢٣ ابريل قدر الله علي وقررت اسوي بيتزا وياليت كنت طلبتها لأنها طلعت ثاني اسوأ شي ممكن تاكله بعد مال اليتيم. اليوم ٢٧ ابريل بعد تعب الدوام وتفكير طويل اظن اني محتاج اجازة ٦ شهور مرتين في السنة.