الـقـامـع

ما ادري ليش تذكرت ابو عجيب لما سألوه وش مواصفات شريكة حياتك قالهم اي شي 😂. لا لا طبعا امزح بس ما اعرف ليش طرى على بالي وماحبيت تقولوا عني نفسية 😂. المهم هذا انا: قبيلي وحيد اهلي يتيم الأب من فترة طويلة ثم يتيم الأم وعشت فترة طويلة لحالي. انا في الأساس من مواليد الدمام والآن أنا إداري في شركة بين الدمام ودبي وعملي الخاص في المنطقة الشرقية. الحمد لله وظيفتي ممتازة وعندي بعض الأشغال الخاصة بي والحمد لله وضعي المادي اقدر اقول ممتاز وظفيتي في الفترة الحاليه تجبرني على الغياب أيام عن بيتي لكن ان شاء الله فترة مؤقتة. حالتي الاجتماعية متزوج مع وقف التنفيذ 😂 وكل شي راح اشرحه للشخص المناسب. اللي راح ارتبط فيها ماراح اقبل ان تكون الا من ديرتي او المحيط اللي ساكن فيه يعني حولك حواليك لان العادات متشابهه ممكن في اضيق الحالات بس بشرط السكن معي في الدمام. محب كثير للسفر كنت ما افوت اي اجازة لو اسبوع وأطير بس خلاص ركدت الفترة الاخيرة لانه اندبلت كبدي ماغير ادربي راسي ما معي احد. بالنسبة لسكني فأنا لوحدي محد حولي الا بعض الاهل او الأصحاب اللي يزوروني. علاقتي مع اهلي وقبيلتي شبه محدودة لوجود بعض المشاكل القديمة. تعبت من السكن لحالي والاكل لحالي والطلعات لحالي احب الفعاليات والمقالب 😂 عشان كذا ودي اقلب البيت برنامج الحصن 😂. نقطة ضعفي العطور والبخور والعود والشموع العطرية اشتريهم وانا مغمض. الحمد لله اني من جيل تربينا على الخير والصدق والامانة والمحبة والصراحة. نخجل من الغلط حتى لو ما سويناه. صحيح تذكرت انا حاط اني مدخن بس انا موقف من زمان بس احيانا مع الضغوط تهف نفسي على حبة دخان وحتى ما أكملها. وبالنسبة لوزني زاد في الفترة الأخيرة لأني اهملت النادي بس ان اشاء ارجع مره ثانية. المستحيلات بالنسبة لي هي لا اشوف احد يسألني عن سنابي او تواصل خارج الموقع وما عندي سواليف التعارف والمراسلات فترة طويلة وخرابيط المسيار والسري وهذي الأمور اللي ما اعرف من وين طلعت سلامات ما اظن اللي باخذها ناقصها شي او ترضى على نفسها هالشي. اذا الله كتب تكون المراسلة على الخاص هنا واذا فيه توافق واتقدم رسمي وبصراحة بعطي هذا الموقع فترة كم شهر اذا ما صار نصيب حذفت الحساب. اتوقعت اني لخصت حياتي في كم سطر وكل اللي كتبته طالع مني بكل صدق ولا راح أرجع اقراه ولا قلبي مليان كلام بس اخاف اطلع عن الدرب 😂. دايم إذا جيت أتكلم أحس نفسي محتار ما ادري هل أقول القليل؟ أخاف أنسى أشياء كثير داخلي وإذا قلت اللي أحسبه مهم أخاف اكون ما عبرت عن نفسي صحيح وأحيانا حتى الكلام يعجز وفي القلب شي ما ينقال لا بلسان ولا بعيون. الغريب البعض يراسلني ويختفي هذا وش سالفته 🤔 ومو كاتب اي شي عنه في ملفه انا وش ابي بعمرك ولون بشرتك. ولا اللي تراسلني وتشرط بدون انجاب خير ان شاء الله. ربي يوفقكم جميعا واسأل الله ان يحقق لكم امنياتكم. تحديث: غبت فترة طويلة حول السنة عن الموقع واليوم رجعت وعدلت وزدت سنة في عمري لكن احس الوضع محد جاد وحذفت كل الرسائل وبعضها بدون ما اشوفها لأنها قديمة لكن بخليها مستميته الى اخر لحظة. من السخرية إني من الملل هنا جلست السنة الماضية كنت أكتب مذكراتي هنا كل يوم المهم إني مسحت كل شي وبعيد التفكير في الموقع هذا وبعطيه فرصة ثانيه ولا حذفته نهائياً.