فخر دار بوسلطان

اهم شي انه يكون قد موضوع الزواج قادر انه يتحمل المسوؤليه قادر انه يفتح بيت افضل انه يكون من اهل بوظبي - مرضي والدينه - يساندني في طموحي ويكون معاي سند في جميع خطوات حياتي يفتخر فيني وفي اي انجاز احققه لبلادي الأمارات ..- ماافضل المدخنين,, شي ثاني اللي يفكر مجرد تفكير انه انا ممكن اكون ضحيه من ضحاياه فهو غلطان ..اسلوب اللواته مااحبه واساليب المماطله تعكر مزاجي .. كل شي اباه يكون بالأصول وشرع الله - قال الله تعالى --وَلَيْسَ الْبِرُّ بِأَنْ تَأْتُوْاْ الْبُيُوتَ مِن ظُهُورِهَا وَلَـكِنَّ الْبِرَّ مَنِ اتَّقَى وَأْتُواْ الْبُيُوتَ مِنْ أَبْوَابِهَا وَاتَّقُواْ اللّهَ لَعَلَّكُمْ تُفْلِحُونَ- اللي يشوف انه يقدر على هالشي او فيه هالمواصفات اللي مااشوفها تعجيزيه يحطني في الاهتمام او يطرش لي رساله واللي تراوده نفسه عن شي غير جيه نصيحه يدور له درب ثاني غير دربي- بخصوص الاشخاص اللي يضيفوني في قائمه الاهتمام عدم تواصلي معكم هب معناه عدم جديه لا بالعكس لكن انا حددت اني افضل اهل بوظبي فقط والسموحه من الباقين ------------------------------------------------------------------------------------------------ انا كملت فتره في هالمكان وطلعت بنتيجه وحده .. هالموقع كله جذب في جذب اغلب الشباب نيتهم الظاهره هي الزواج وخلف هالنيه مضمون خبيث الله وحده هو العالم به ولا حد يقولي انتي تجمعين ها اللي حاصل وكل واحد يعرف نفسه اما البنات هي حاله من الاثنين يا انها صدق تبا الستر لكنها تحط شروط تعجيزيه او انها حادره هي اتدور على كم واحد تنصب عليه ... والله شي مقزز وشي يلوووع بالجبد