يارب بكرة اجمل

السلام عليكم .. انا انسانه بسيطه جدا .. منتقبه نقابى اسود فقط وجونتى وملحفه .. من القاهرة . مؤهل متوسط .. عندى اولادى فى حضانتى ومعنديش استعداد اسيبهم ابدا علشان راجل هتزوجه .. اللى عاوزنى يكون عارف ان عيالى اغلى من اى حد وبلاش تقارن نفسك بضنايا لانك هتكون خسران . بالنسبه لوزنى اه انا وزنى زياده وعادى التخين بيخس والرفيع بيتخن وانا مش بأكل من ثلاجه السيد الوالد ولا بأكل من جيبك انت جى وعارف ومكتوب وزنى قصاد عينك بلاش الاسئله السخيفه اللى زيك .. ان شاء الله هخس لنفسى مش علشانك يافراشه 🤭 . بحب الهدوء والنقاش بالعقل .. بحب الخروج ف اماكن فيها طبيعه وشمس وهوا .. بالله عليكو اللى داخل بتسلى ويتكلم ويرغى وبيكدب ومعندهوش امكانيات ماديه للزواج سواء شقه او شغل ثابت او ماديات الزواج وداخل يضيع وقت نفسى اعرف ليه هتستفاد ايه من تضيع وقتك ووقت غيرك اتقى الله كلنا لينا واقفه امام الله .. فأى حد داخل يتسلى ابعد عنى ارجوك بلاش انا انا دخله البرنامج للزواج فقط ولا بخرج ولا ببعت صورى لراجل غريب عنى والكلام بحدود الادب للتعارف فقط ولمعرفه الظروف وبعدها رؤيه وان في قبول نتزوج لكن تتسلى لا واللى متزوج ومخبى وبعد فترة يقولى اصلى هبقا اقولها ولا اصلنا منفصلين وفى حكم المطلقين يااخى اتقى الله اكتب متزوج واحكى ظروفك بعدين لكن كاتب ارمل ويقولى اصلها بالنسبالى ماتت متخليك راجل جدع كدة ومش تموت مراتك وقول متزوج كفايه كدب وخداع واتقو الله وخليكو رجاله واضحه وصريحه ايه المتعه فى الخداع وتضيع وقت الناس معاك .. واللى مش عاوز اقامه كامله هو ايه فندق حضرتك واللى عنده ٧ عيال وكاتب ٢ متكتب ٧ هنحسدك مثلا ياجماعه اكتبو بيانتكم بوضوح واللى يرضي بيك يرضا واللى ميرضاش بيك هو الخسران بس خليك صريح وسيب ذكرى طيبه فى قلب اى حد يعرفك بدل ميلعن اليوم اللى عرفك فيه وعرف حقيقتك الكدابه