للي عايزه تقرأ

السلام عليكم اولا علي المحترمات اللي هنا .. انا بصراحه كان عندي اكاونت تاني قعد فيه 12يوم فقط وشيلته.... وعايز اتكلم واقول تجربتي هنا بما يرضي الله ورسوله لان وحق لا اله الا الله اني ما بتكلم من باب الغرور ولا التكبر ... وانا بحلف لله اني ما اريد منكن شئ نهائي وكلامي اللي جاي للسيدات الغير محترمات ودول هنا كتير جدا الا من رحم ربي وانا ناوي اتكلم كتير لكن لآخر خره بأقسم ان كلامي مجرد من اي أهداف وربنا يشهد عليا وانا رجل اصيب واخطأ لكن مصلي واخاف الله قولا وفعلا.... انا بنظرتي هنا لقيت ان الجنسين هتا كتير مش اسوياء نهائي.... مع ان المفروض ان ده برنامج زواج مش حاجه تانيه ولا تالته... نبدء بالرجال او ما يسموا رجال .. كتير جدا من الذكور هنا واخدين الموضوع تسليه ولأن الاغلب هنا ظروفهم زفت وده مش عيب يعيب رجل لكن العيب ان تدخلوا تتسلوا وتهينوا نفسكم لمجرد بس انك تتكلم مع ست ومش عارف ده ايه قله عقل ولا قله تربيه ولا فراغ ولا نقص شخصيه .... فطبعا اي واحد من دول من اللي داخلين يتسلوا لا يهمه اسمك ولا سنك ولا حالتك الاجتماعيه ولا من اي مكان فطبعا تلاقيه همه فقط انه يوصل يتكلم في الجنس وفي كل ما يغضب الله ... وطبعا دول تلاقيهم كيوت وحلوين ولذاذ وكل حاجه تلاقيه موافقك ومن الآخر بيريل علي اي واحده هنا واسف علي التعبير بكلمه يريل لكن ملقتش تشبيه افضل من كده للحاله دي ..... طيب نروح بقي للنص الحلو في حياه الراجل وهم السيدات وكلامي للكل للمطلقه والانسه والارمله.. اولا بدعي ربي يرزقكم الزوج الصالح والذريه الصالحه ... لكن بعد ما اتكلمت عن الذكور اللي بيهينوا نفسهم نتكلم عن السيدات لان كتييييييييير جدا لما لقوا رجاله بتتحايل عليهم ويريلوا ويهينوا نفسهم وقلوب حمرا كتيييييير فالسيدات الكتير دول اتغروا وافتكروا ان كل الذكور دول حيموتوا عليكم وهما في الأصل بيتسلوا ولو ملقاش اللي بيكلمك علشانه والله حيعملك تجاهل من وسع .... وانا لو ذكرت اللي شوفته هنا خلال ال 12 يوم مش جيكفيني صفحات كتابه كتير لكن كل اللي طالبه علشان إثبات لكلامي ان السيدات يدخلوا يشوفوا بروفايلات البنات ويشوفوا كاتبين ايه قسما بالله حتشوفوا العجب العجاب..... وانا مش عايز اذكر مواقف او كلام مكتوب والله يصل لدرجه الضحك لما تقرأي اللي كاتبينه..ونصيحه لكل السيدات هنا مفيش راجل محترم داحل فعلا يتجوز ووجوده هنا لسبب ما وحيدخل مش حيهتم ولا يسالك عن حياتك او شغلك او خريجه ايه او عايشه مع مين او مين ولي أمرك او جاهزيتك للجواز او سبب الطلاق او لو كان فيه اولاد لازم يسالك عنهم .. لان اللي جاد اكيد حيبقي مهتم يعرف كل ده .... أما اللي مش هاممهم كل الكلام ده وتلاقي كلامه سطحي او مش بيحاول يعرف عنك اي حاجه وتلاقيه مريح ليكي اوي ويحسسك ان انتي الراجل وهو الست اعرفي ان ده مش بتاع جواز من الأساس.... يا جماعه الراجل المحترم ميخليش اي حد يهينه با راجل ولا ست وكل ده ليه علشان يتكلم مع ست .. ده ايه التفاهه دي.... بس عايز اذكر بروفايل مكتوب فيه انها مش عايزه مصريين عايزه خليجيين مع انها مصريه وعايشه في مصر ومش مهم كل واحده حره في احتياجاتها واختيارتها لكن اللي مش طبيعي انها كاتبه عايزه خليجي لان الخليج بيحترموا الست جدا ...... طيب يل ست الكل انا اشتغلت خمس سنين في الخليج سلطنه عمان ولفيت تقريبا معظم دول مجلس تعاون الخليج وعشت وسط اهل الخليج معظمهم بيبصوا لأي ست غير بنت بلده انها سلعه والله سلعه وانا بأقسم بالله والحاسب علي هذا اليمين وطبعا الا من رحم ربي ... فطبعا علشان هو شايفك مجرد كام كيلو لحمه فقط فنلاقيه مريح ليكي اوي ومش حيزعلك نهائي في الكلام وحيعملك البحر طحينه زي ما بيقواوا لحد بس ما ياخد اللي عايزه منك وبعدين والله والله والله ولا حيعرفك وعايز اقول لحضراتكم ان اهل الخليج 80- منهم بيشربوا خمور الا من رحم ربي ومش بيكونوا اهل لحاجه او موضوع بأهمية الجواز ... وعلي فكره فيه والله حاجات كتير منها تتعجبوا منها ومنها تضحكوا لكن انا عايز اقول كلمه عيييييييب لكل راجل أهان نفسه علشان يتسلي وعلشان يرضي غريزته بحرمانيه... وبقزل لكل سيده هنا لو عايزه تتجوزي راجل يكون سند ويحافظ عليكي ويكرمك يبقي متفرحيش بشويه مراهقين بيتسلوا ...... بس كده واسف للاطاله وسامحوني لو كان فيه مناطق كلامي فيها حاد او جاف شويه ... والآخر معنديش حاجه اقدر اعملها غير اني ادعوا الله عز وجل أن يهديني وإياكم وان يصلح حالي واياكم وان يطيب خاطر كل واحد فينا سواء ست او رجل .... وكل سنه والجميع بخير