مصطفى474

ممكن أكتب بشكل فيه خفة دم وتهريج لكن أعتقد ان هذا ليس محله -فيه ناس فاكره انها هتكون فكرة عن الطرف الأخر من خلال 5 سطور- ... وكمان ما ينفعش أوصف نفسي بانى حلو وجميل وطيب لان ده المفروض يكون رأى الآخرين -مش يمكن تشوفينى وحش وتقولى كذبت عليا- وده من اسباب دخولى هنا ان الحوار هيظهر الحقيقة ... وعلشان كده مش هكتب هنا صفاتى ولكن سوف أكتب رغباتى من الزواج والتى سوف تبين نوايايا أرغب فى اقامة بيت تكون فيه العاطفة والسعى وراء السعادة من اهم أدواته ... أن يكون كتاب الله وسنة رسوله مرجعيته فى لحظات الخلافات -وده فيه احترام لحقوق الآخر لأنى ما قولتش كلام الراجل اللى هيمشى- ... انا مطلق بعد عشرة طويلة -يعنى لا اهد البيت بسهولة- احب ان استمع بالحياة ولو على حساب بعض الشغل -يعنى ما ينفعش يبقى الشغل على حساب حياتى الشخصية والأسرية- - لا أطلب الزواج من اجل البحث عن "انثى" على انقاض سابقة ولكن انعدمت فرص الاستمرار السابقة وهذا أقوى سبب لان ابحث عن حياة دائمة أخرى تكون عوضا لى ولشريكتى عن ما سبق ... داخل الموقع لان موضوع زواج الصالونات لن يعرفنى بمن اتواصل معها فهنا فرصة التواصل والحوار تبين شخصيتنا ... فيه كلام كثير لكن من غير المعقول ان أكتب كل شخصيتى فى هذه النبذة الصغيرة واصلا هكون ممل لو كتبتها واكيد حضرتك مش هيكون عندك صبر لقراءتها ومعاكى حق طبعا بس مضطر اعمل ايه ؟