Nadoush20

رجل بمعني الكلمة،و ليس مجرد ذكر او الزواج بالنسبة له مجرد وسيلة لإشباع غريزته ،او نزوة تزول بعد كام يوم او كام شهر . انسان جامعي محترم مثقف،متدين ،غير متزوج بدون اولاد.،لا ينتمي لأي حزب سياسي ،وغير متعصب للأحزاب.ليس من أتباع السيسي ولا الاخوان راجل بيقدر قيمة الست اللي بيتجوزها وعارف انها بنت ناس ،و ما ينفعش يظلمها ولا يقلل من قيمتها ،لا بينه وبينها ولا أدام حد ،الراجل اللي شايف انه مش اد الجواز ما يتجوزش ،الجواز مش بس انك تصرف على البيت وتجيب هدايا ،لأن دا واجبك ،انت مكلف بالنفقة ،لكن الراجل اللي يراعي ربنا في الست اللي معاه ،وما يسيبهاش تنام وهي زعلانة ،ولا يبقي بس كل همه مظهره أدام الناس ،الست محتاجة تحس بالأمان، ،تحس أن معاها راجل هيحافظ عليها وما يفرطش فيها أبدا لأنه عارف قيمتها كويس،الست زى الوردة لما تسقيها بحبك وحنانك بتشيلك فى عينيها ،الفلوس مهمة علشان تقدروا تعيشوا في مستوى معقول لكن عمرها ما بتشترى الحب ولا الاحترام ،ولا الاهتمام ،انت ما اشتريتهاش لما اتجوزتها ،الجواز مش سجن ولا الست بقت زى أي كرسى في البيت بعد الجواز علشان تهملها ،ولا هي جاية تخدمك بلقمتها وبعقد الجواز اللي بينكم ولما بتعمل دا بتعمله بدافع الحب،لو مش هتقدر تراعي ربنا في بنت الناس ما تتجوزهاش سيبها في بيت أهلها اكرم لها ،بدل ما تاخدها تطلع عقدك عليها ، حياتنا مليانة ضغوط ومش محتاجين نزود الضغوط على بعض. القسوة والانتقاد المستمر نهايته الفشل لأي علاقة ،محدش بيغير حد لو مش عاجبك طباعها طريقة لبسها أو طريقة كلامها ما تتجوزهاش ،انت مش واخد حتة عجينة تشكلها زى ما انت عايز، مش من حقك تحجر عليها ولا علي إرادتها ، دى بنت ناس ،ولها شخصيتها وكرامتها ،وكل واحد فيكم له حقوق وواجبات بما يرضي الله مش أكتر من كدا