المداح الصالح

أنا إنسان حنين جدا وطيب إلى أبعد الحدود، بعرف أخود حقي كويس وبعرف اقدر كويس إيه المعارك اللي أدخل فيها، وإيه اللي هتضيع وقتي. رومانسي بدرجة غير معقولة، مخلص ووفي وشهم ورجل قيادي وبحب السفر والمغامرة. دايما سايبها على ربنا مبحسبش كتير كل حاجة. حياتي من يوم ما بدأت مدوقتش فيها طعم الفرحة، الدنيا على طول قاسية عليا بس انا مش زعلان ودايما بتمسك بربنا أكتر وأكتر. ساعات بعمل حاجات غلط منكرش بس هي بتبقى وقت معين وبيعدي حسب مابقدر اتحمل الظروف. بحب الاستقرار العاطفي جدا وشخصية متكيفة للغاية مع ظروف الحياة. الجواز بالنسبالي مش مجرد اتنين بقو مع بعض ولو حتى عن حب، الجواز عندي إنسانة هتعيش جوايا ومتخلقتش غير ليا أنا وبس ومتنفعش لغيري. الحب عندي أساس كل شيء. أنا شخصية منظمة بدون روتين، وطموح ولكن في الاتجاه اللي يرضيني أنا مش يرضي غيري. بحب الخير وعمل الخير، وأولادي هيكونوا بالنسبالي المشروع الأول في إثبات إني إنسان أستحق الحياة وقدمت للكون إضافة رائعة مش مجرد إنسان عاش فترة ومات. مبحبش النقد المباشر ولا بحب اللي ميقدرنيش ع الآخر، كمان مبحبش الكذب والنفاق والخداع، وبنتقم من اللي يغشني.