Hmeza Ali

ومن زمان ولا في إني ما قابلت بنت الحلال لأنو في بنات حلال وكل حاجة ! أنا متطلباتي في البت ال ح أعرسها اتغيرّت واتطوّرت بالوقت يعني وأنا عمري عشرين سنة كنت بفكر قدر شنو ح تكون جميلة وف نهاية العشرينات كنت بفكر كيف تبقى شبهي وتجمعنا حاجات وأسي بقى كل تفكيري - إنها تقبلني - زول زيي عاش وشاف وجرب ولف ودار وتعب إتغيرت فيهو حاجات كتيره شديد وإكتسب صفات ما كانت فيهو يعني أنا مثلاً بقيت عصبي لأتفه الأسباب وأميل معظم الوقت للسكوت بحب الهدوء وبكره الأسئلة الكتيره وكسر الخصوصية والكلام الكتير ف التلفون مثلاً أنا ما محتاج واحدة تكون تحت طاعتي عشان الزوجة شريكة أنا إشكاليتي الحقيقية في ال ح تحس بي وتقبلني مزاجي وتقلبو ضغوطاتي ومشاغلي تحب تقعد جنبي وقت سرحاني وهي متقبله إنها تسكت ! واحدة ما تكرهني ف نفسي أو تحسسني بعيوبي كإنها اكتشفتها أو كأنو ما كانت بتعرف العيوب دي ف تفضل تعايرني بيها وتسرد قدر شنو إنها مستحملاني وفي أقرب مشكلة تقول لي - إنت عمرك ما عملت لي حاجه حلوة وعمرك وعمرك- أنا على عكس الإنطباع ال ممكن تاخدو عني - إني فرحان بحياتي دي - أنا أكتر زول في الدنيا محتاج حبيبة وزوجة ريحة وروح ف كل مكان في البيت عطف ورحمة وود مشاركة وإهتمامات مشتركة نكون بنحب حاجات زي بعض مهما كانت تافهة سينما اغاني قراية تمشية طاولة إن شاء الله نكون انحنا الاتنين بنحب نعمل بطاطس بالليل مثلاً أي حاجات بنحبها سوا ونعملها سوا ونكوّن فيها رصيد مع بعض واحدة أنوم مغمض وأنا حاسي إنو كل الدنيا موجوده واني تمام وبخير واني لقيت الباقي مني البت ال أحميها وترعاني وأصونها وتخلي بالها مني ونتقابل ف منطقة مختلفة عن أي زول طفل وطفلة بيشوفوا العالم من عيون طيبة وبال مرتاح المتعة بتنتهي مهما طالت إنما السعادة ما بتنتهي المتعة ف الأكل بتنتهي بمجرد الشبع المتعة في اللبس في السفر في السلطة وفي الفلوس لكن السعادة هي في الطريقة ال بنعمل بيها كل ده السعادة ف الحضن ال يطمن الأكل ال زول عارف إنك بتحبو ف عملو ليك في اللبس ال يشبهك والسفر لمكان بتحبو.. إلخ أنا راجل فعلاً شايف إنو العرس هو أدق وأعظم وأشمل علاقة إنسانية ومستنيها بكل الحب وربنا يوقعني ف البت ال تغلبني التجاعيد في وجودها وأبقى معاها وأحمي مقامها البت ال أنا ما بخجل أنحني أو أبكي قدامها والإنسانة ال أنا موجود عشان تتحقق أحلامها وعشان ألحق حبل غرامها لو تاه أو داب البت ال ح تكون عارفه إنو أنا ما كذاب