نسرين ورد

صح راني في سن الزواج و الخطبة... لكن مش منيش حابة نتزوج باه نشرط قراية ولا خدمة...هذو مجرد أسباب سطيحة، السبب هو ملقيتش الشخص المناسب؛ مانيش حابة نتزوج باه نتزوج برك و نعجب الغاشي و نقنع المجتمع..حابة نتزوج بشخص يراعي تخمامي و طبايعي مشي شرط يكون شبيه ليا لكن على الاقل يتفهمني و يحتويني و يزيد الاضافة يا نتزوج على الصح يا نبقى عزباء ؛ ام كلثوم محبتش تتزوج عمر بن الخطاب رضي الله عنه! تخلعو كفاش امير المؤمنين ترفضيه...! حاجة مستحيلة ! قاتلهم هو طبعه خشن شوية و انا اريد شخص رقيق المعاملة... و فعلا تزوجت بالشخص المناسب ... الشخص المناسب معندوش وقت محدد بصح عندو وقت مناسب؛ ربي يبعثو وين تحس روحك واجد و ترتاحلو؛ الاحساس هو كلش ربي يبث بيناتكم المودة و الرحمة بدون سبب مام يكون مشي شباب و مشي مرفه... المشاعر لا تشترى معندهاش سومة اعذرو الناس هم ادرى بتخمامهم و حياتهم يخي مراكش تصرف عليه ماراهو تحت ضمانتك؟ خلو الناس بحالها كلمة باير و بايرة نحوها من القاموس كل شخص حر وينتا و معامن حاب يتزوج.. ⁦🕯️⁩...