AhmedYahy

السلام عليكم ورحمة الله.. أنا بدور على إنسانة متدينة محترمة خلوقة قنوعة ومن اسرة فقيرة زيي عارفة ربنا وماتكونش بتهتم بالمظاهر والشكليات والقيود العرفية المجتمعية للزواج مش من بابا طالب فيا الزفات وماما شارطها وديعة تفكيري مش كده خالص عايزها تكون انسانة قيمة.جوهرة ملهاش سعر مش فكرة فلوس والله..اينعم أنا الفقير إلى الله بس ماديش نفسي لحد مايقدرنيش لو كان معاه إيه..قيمة مطلقة مش مسعرة..بس .تكون بنت حلال وعايزة تتستر ويبقالها بيت وزوج وبالبلدي كده تكون بسيطة على اد حالها وعايزة تعيش.تكون حسنة الذوق واللسان وبتحب الحوار ويكون قلبها وعقلها كبير.تكون عينها مليانة مش بتبص للي عند الناس وتكون عارفة إن التفاهم والإخلاص والاحتواء اهم من الشبكة بكام وهتسكن فين..الثقة والأمان والحب والاحترام والايثار بين الزوجين أهم من القايمة والمهر وفرح شكله إيه..تكون فاهمة يعني إيه زواج واختيار شريك يتعاش معاه وإن الراحة في قربه افضل من حسابه في البنك وهو بخيل او تفرح بالوظيفة والبرستيج والدخل العالي اللي هيامن مستقبلها ويرجع يكرهها في عشيتها..تكون فاهمة إن الفرصة المتاخرة ماينفعش تترفض ولا تتاجل عشان شكليات للناس كلها وأفضل وحيد محدش منهم حاسس بيا.. عايزها تبقى كل حاجه وفي نفس الوقت تكون تستاهل اكتر من كده عشان ماندمش.. ملحوظة مهمة برضو مش مهم سنها أد إيه الحب ملهوش سن معين لا يشترط سن معين ولا شهادة ولا أي شكليات بس آسف عاوزها رفيعة يعني غير كده طلباتي بسيطة مش ماديات خالص كلها صفات إنسانية فيها مش بره عنها مثلا تدينها وأخلاقها وسمعتها وطريقتها وأسلوبها تكون انسانة راقية تشرف بذاتها مش عشان من عيلة مين ولا شهادة منين ولا شغلها بتقبض منه كام.بالمناسبة عاوزها ربة منزل ولو فيه ضرورة أنها تشتغل نبقى نتناقش في الموضوع ده ونتفق فيه.يفضل لو كانت من هواة القعدة في البيت ولا كتر خروج ولا نظام عبايات محزقة وبناطيل ضيقة ومكياج وبرفانات وتبرج واسفاف ع الفاضي والمليان ولا تكون مؤمنه بالصداقة لآن مفيش حاجه اسمها صداقة اصلا بين الجنسين وتكون محدودة العلقات مش تقولي عادي ده زميلي وده صاحبي انا راجل مقبلش بالافكار دي.ممكن ابان مش رومانسي او مش معبر بس عشان فكرتي إن مشاعري واهتمامي هيكونو إن شاء الله مش لحد غير مراتي غير كده مش عايز حد يستنى مني مشاعر كدابة أو إهتمام خداع.... أقرأ ملفي كويس عشان لو الماديات أو موضوع إني بدخن أو سبب ما أنا مش عارفه هيعرقلو الموضوع وشايفة كده يفضل بلاش كلام من البداية..... آسف ملحوظة..حاجة حصلت بجد معايا.. حضرتك لو شايفة إن الماديات بتفرق مع أهل حضرتك فياريت تكوني فاهمه أن رأيهم جزء لا يتجزأ من تيسير الموضوع.بمعنى آخر مفيش داعي نبتدي تعارف وانتي عارفة طلبات اهلك كويس وهي مش امكانياتي بلاش إحراج وربنا يكرم الجميع. بحاول ابطل تدخين وباذن الله هبطل...بس بضعف وبرجع تاني للأسف.. عشان محدش يفتكر إني فرحان بكده شبكة بسيطة وزفة صغيرة وخلاص لو ترضى بيا مش مطلوب منها اي حاجة الشقة تقريبا جاهزة وبإذن الله مع بعض ونبقى سكن وعمر ودين وجنة آسف على الإطالة والتكرار بس والله أنا أصلا خايف من تكرار التجارب الفاشلة مفهوم فكر القطيع بقى متسيد في المجتمع والناس بنسبة كبيرة جدا عارف إنه صعب الاقي حد زي اللي في دماغي وتكون صبورة بس ربنا كبير والحمد لله على كل حال