Mahmoud .a.a

ملتزم بحاول اكون كويس بقدر الامكان طموح وبحب شغلي و عايز ابقي حاجه اكبر واكبر فيه بحب الهدوء و البحر جدااا والمناظر الطبيعيه ، بحب ال يفهمني و يثق فيا جدااا بتحمل المسؤولية من صغري بفضل الله بحب اللعب رياضه كدا مع نفسي وجري ووبحب السباحه والسفر اماكن جديده ، اهلي دايما بيقولو عليا شخص هادي وعاقل جدا ، بحب الصراحه في كل حاجه مفيش داعي للكذب ابداااا خاصه في امور الزواج ، مبحبش حد يتحكم فيا ويسيرني بحب استشير الناس ال بثق فيهم فقط واخد برايهم ، بحب اصلح معظم الاشياء بنفسي الحمد لله اللكترونيات او كهرباء اثاث سيارات كدا علي قدي يعني مش محترف ولكن بحب اصلح حاجتي بايدي دي هوايه عندي بجانب شغلي الهندسي في النهايه يشهد الله اني طالب الحلال ولا احب اللعب والتحدث مع الفتيات بغرض العبث جميعنا لدينا اخوات ومستقبلا فتيات وكما تدين تدان انا صادق وعايز انسانه تحارب معايا في الحياه اه اسمها محاربه فعلا وان شاء الله هكون عند حسن الظن واكثر لاني نشأتي صعيديه اصيله ومتربي علي الاعراف والاصول واعرف ديني كويس بفضل الله . اهلي اطيب من الطيبه بشويه من عائله نسب شريف واصيل ومعروفه جدا في الصعيد ومصر بالاخص بفضل الله . عندي شقة تمليك بالاسكندريه وسط البلد الحمد لله و جاهز للزواج بمجرد اننا نرتاح فعلا لبعض مش ناوي اقعد فترة كبيرة لاني بدور علي الاستقرار ،