نصايح

كل سنه وانتي طيبه، العلاقه على قد ما هي معقده بس بسيطه في نفس الوقت، اختاري الي ترتاحي معاه بمعنى الكلمه، الراحه دي مهمه، حطي تحتها ١٠٠ مليون خط، مفيش خصله تقولي عليها انا هعرف اتعامل معاه فيها، ومتستعجليش نصيبك هيجيلك وبوقته، الجماعه بتوع اكره الكذب وانا جاده، مين فينا بيحب الكذب ولا مين فينا بيحب التلاعب وعدم الجديه، ويعني لما تقولي كده الي بيكدب هيبطل كدب ولا الي مش جاد هيغير رأيه، انتي اكيد عندك احساس بالي قدلمك، المهم كمان هي مش خناقه خالص، هي تفاهم وود واحترام ومشاركه، الي داخلين يتخانقوا ملهاش لازمه، اكيد هي بايظه كده من اولها، كمان بلاش نعلق على بعض ونحترم ظروف واحتياجات الطرف التاني، مش مناسبك طلباتي او احتياجاتي، عدي وانتي ساكته ودوري على الي يناسبك مش هتمشي الكون على مزاجك ، بالنسبه للتدين احنا كبشر مقياسنا ليه ظاهري فقط، منعرفش نقيسه داخليا عامل ازاي، ممكن تدعيلي بظهر الغيب، كل ما تيجي نقطه في بالي هكتبها ولو عندك نقطه بردو ابعتيلي