احمدابومالك

الشباب مبقاش طايش كعادة الزمان ، الشباب كبر واتهان وداست عليه الايام ، الشباب بقي بيرضي باي شغلانه حتي ولو بمرتب ضئيل عشان يصرف ع نفسه عشان بقي شايف بعنيه انه مبقاش ف وقت للرفاهيه ، الشباب بيستغل وقت اجازته بالنوم دلوقتي ، الشباب كبر وفهم وعرف ان كل ساعه بتعدي عليه بحسابها ولازم يفكر ف مستقبله ، الشباب اقنع نفسه ان مشروع الجواز بقي باهت وغير مرغوب فيه ، محدش بيسأل حد دلوقتي انت شغال ايه ومرتبك كام ؟ السؤال بقي شغال ولا لا! اتكتب عليك يصحبي تستحمل الكلام وترضي غيرك ع حساب نفسك وتعيش بتضحك ف الوشوش عشان متبانش كئيب ومش راضي! اتكتب عليك تسأل ع الـ مبيكلمكش بقاله سنين وتعدي كلام صاحبك الـ بيسف عليك وتفكس لخروجات الليل ! مبقاش ف وقت .. خلص شغلك ونام عشان تصحي تشوف شغلك ، ذاكر وشوف مصلحتك عشان تتخرج تدور ع شغل مع صحبك الـ بيخلص جيش ، خلص جيشك وشوف حالك بقي دا الـ قدك معاه اتنين .. مش هتسلم من الكلام ..