7odn_elward

أريده رجلًا بحق! وأكثر ما يُبهرني في الرجل الحقيقي إنه يكون ملتزم ذكي متوازن والثلاثية دي ممكن ندرجها تحت بند «المسؤولية» فقط كمعنى أشمل وأعم. شخص مسؤول بالنسبالي يعني شخص متحرك، فعّال، بيسعى ومش مستسلم، قادر يثبت وجوده. مسؤول في حياته ووضوح غاياته وعارف أنا هنا ليه وبعمل ايه وربنا عايز ايه مني، عايش الواقع مش في عالم الوهم. مسؤول في نفسه، عارفها وفاهمها ومدرك طبيعتها وبيجتهد في تزكيتها ومش متمحور حول ذاته والأنا المزيفة، مدرك فقه الاختلاف وتقبل الآخر، وعارف حقوقه وواجباته. مسؤول في عبادته، بيُحسنها وبيهتم بيها ومعتبرها جزء لا يتجزأ من كيانه وبيسعى لرضا ربه وملتزم بشريعته ويستن بسنة نبيه. مسؤول في عقله، بتثقيفه وتنمية قدراته ومهاراته وطريقة تفكيره، ف بيفكر وبيحسب وبيعرف يتخذ ويحسم قراراته. مسؤول في شغله، بيتقنه، بيجتهد، بيبدع، بيفكر برا الصندوق، بيتطور، بينتج. مسؤول في بيته، أهله زوجته أولاده بيهتم بيهم وبيديهم من وقته وبيسمعهم ويحتويهم وبيشعرهم بقيمتهم في حياته وبيغير عليهم حتى م الحزن إن أصابهم، يعِي قوامته تجاههم. مسؤول في جسده، مش مهمل فيه وعارف إن لجسدك عليك حقًا، مهتم بنظافته وريحته وحتى متوازن في أكله. مسؤول في قلبه، بيقدر يتحكم في مشاعره وليست مُبعثرة أو مُلقاه لكل من دخل حياته أو لأي عابر سبيل فيها، متوازن فيها ومش عبد هواه، وقادر على ضبط انفعالاته الحسية. ممكن يبقى في تقصير في شيء م اللي ذكرته فوق دا؟ اه عادي ممكن يحصل خلل في جزء معين لأننا بشر، ولكن دا يخلينا نرجع لأول جملة في تعريف المسؤولية وهي إنه بيسعى ولا يتوقف، ف مشمهم هيوصل امتى أو ازاي ولكن المهم إنه مدرك أي تقصير وبيسعى فعلا في إصلاحه! فـ "الزواج عكاز يتوكأ عليه اثنان، تآلفا على نقصٍ ورضيا بالمتاح، يقطعان الطريق سويا إلى الكمال في الجنة."