HemaMadred

أنا إبراهيم، 28 سنة، من الجيزة، بكالوريوس تجارة، بشتغل مهندس IT، وكمان Freelancer Website Developer، طبعاً بعد مجموعة كورسات ودبلومات محترمة درستها، هدفى من الأكونت دا البحث عن الزوجة المناسبة . مواصفاتى : ملتزم بالصلاة بفضل الله، هادى، بحب الهزار والضحك جداً، بحب كمان الخروج والفسح وبحب المشى أوى، ممكن أمشى أميال ولا أتعب ولا أزهق، وبحب ألعب كورة جداً بس مش بلعب كتير😭، شخصية جادة جداً وقت الجد، وفرفوش جداً وقت اللعب والهزار، صريح جداً لأبعد الحدود واللى فى قلبى على لسانى ومش بعرف أجامل مهما كانت الأسباب، بكره جداً جداً جداً الكذب واللف والدوران والحوارات، أغلب وقتى بقضيه قدام الكومبيوتر يإما بشتغل أو بتعلم حاجة جديدة أو بلعب أو بقلب على النت بإختصار تقدروا تقولوا إن الكومبيوتر هو حياتى، بحمد وفضل الله عندى الشقة كبيرة وجاهزة ومتشطبة وواقفة فقط على اللمسات الأخيرة يعنى بالكتير أوى سنة خطوبة وأكون خلصت كل حاجة، دى تقريباً كل مواصفاتى الباقى إكتشفوه أنتوا بقى😂 .