حوريه8888

ساعات تحس روحك توحشت حد و لا حاجة و ماكش منجم تعرف شنية هيا بالضبط ركز تو تعرف الي انت توحشت روحك و برشا حاجات تبدلو فيك توحشت برشا كانو في حياتك و مشاو حتى انت نسيتهم اما قلبك قعد يتوحش فيهم بالسرقة عليك… توحشت برشا حكايات مع عباد كانو يوما ما اقرب الناس ليك… تتوحش حتى داركم تتوحش اللمة و الضحكة و برشا حاجات مزيانين… تحس الي كل شي تبدل مع السنين اما وقت تجي تشوف تلقى روحك انت الي تبدلت مافما شي تبدل بخلافك انت… اما للأسف بعد وقت طويل و بعد ماصارو برشا حاجات موش باش تنجم ترجع كيف ما كنت خاطر انت بيدك نسيت روحك كيفاش كنت قبل و لا كيفاش و علاش وليت هكا… ماشي في بالك الي حتى شي و حتى مخلوق ما ينجم يبدلك ياخي بدلت روحك بروحك… تو فات الفوت ماعاد يفيدك لا ندم لا شي… خاطر انت مش فاهم روحك راضي ولا مش راضي ساعات تحس روحك راضي بكل شي و مقتنع بيه و مرات اخرين تحس روحك ضايع و ماكش راضي بحتى شي و ماكش مقتنع بلي صاير الكل… اما عادي تحس في روحك تعودت و ماعاد يهمك شي كل شي عادي…