Ana_yo_yo

إنك تتجوزي رااجل إبن حلال وإبن أصول وبيتقي ربنا فيكي دي بالدنيا ومافيهااا.... وده نوع من أنواع رضا ربنا عليكي ..الناس كلها بتتجوز بس مش كلهم بيتجوزوا واحد إبن حلال وإبن أصول... علي فكرة يعني .. ده شيئ بعيد عن إنه جواز حب أو صالونات .. دي حاجة في طبع الراجل ذات نفسهُ، الراجل اللي يشتري خاطرك بالدنيا بحالها، واللى يحاوط عليكي برموش عنيه، اللي تكونى مالية عينه وقلبه وروحه وتفكيره وحياته، الـلي يسندك ويساعدك ويجي علي راحته علشان فرحتك إنتي، الـلي يوعدك إنو هيكون نعم الزوج وفعلاًاا يطلع قد كلمته، الـلي تحسي إن ربنا كرمك وجبر خاطرك بيه، الدين عنده إنو يسعدك بما يرضي الله ويحتويكي ويحافظ عليكي وميخلكيش تحتاجي لحد ويبقي هو دنيتك ورزقك فـ الدنيا .. الراجل ده موجود ومش بيجي بشطارتك، الراجل ده رزق من ربنا، مش بيجي غير بكرم ربنا وإنك تدعي إنه يرزقك بواحد إبن حلال