مينة مين

مفماش طفلة مزروبة على العرس والتخميل والمسحان والتعب أما فما طفلة مزروبة على إنها تعيش مع العبد اللي تحبوا موش مزروبة على العرس أما تحب في عوض تقوم على كلمة صباح الخير مكتوبة في تليفون ، تقوم على توشويشة صباح النور و نحبك في وذنها وتعنيقة ماهيش مزروبة على العرس أما تحب في عوض ما يروحوا كل واحد في ثنية بعد ساعتين تعداو وكل حلمة وغصة في قلبها ودمعة مشدودة للعين بخيط يروحوا مع بعضهم لدارهم لحياتهم لروتينهم لفرحتهم وضحكتهم ماهيش مزروبة على العرس أما تحب في عوض ما تشكي همها ووجيعتها ودمعتها لصوت بعيد في التاليفون تلقاه بجنبها يمسح دموعها يرضيها يهنيها يسمعها ويجاوبها بعينيه ،بفمو، بإيديه العرس راهو موش فلانة عرست وانا علاه لا العرس مش عالعينين والمجتمع العرس حكاية إثنين رسمو ثنية وحدة العرس روح وحدة دنيا وحب وعشرة العرس مش تصديرة و روبة العرس عندو قيمتو . ♡ الحب و العرس عندو إماليه إن شاء الله ربي يجمع القلوب ويلم شمل كل زوز يحبو بعضهم ♡