خارج الصندوق

كنت فاكر وانا صغير اني لما اوصل للرقم ده هيكون عندي زوجة واسرة وان الجواز من اسهل الحاجات مكنتش فاكر اني هتعرض لكم الخزلان اللي حصلي من الدنيا ومن ناس كتير كانت في حياتي خلاني افكر اني اصبر علي المرحلة دي بالاخص مكنتش اعرف ان عقلي هيوصل لمرحلة الوعي اللي يخليني ارفض ادخل في مرحلة الجواز لمجرد ان يتقلي " لازم تتجوز قبل الـ ٣٠ إحنا خيفين عليك " خافوا عليا لو اقتنعت برأيكم و أنا مش راضي و مش مبسوط .. الجواز مش سهل و بناء أسرة سليمة أصعب و أصعب فـ انا سعيد بذاتي صحيح الوحدة أصعب بس أهون بكتير من مشاركة حياتي الخاصة مع شخص احس معه أني وحيد أو أني مش في المكان المناسب .. فـ انا مش عاوز ده " إلا لما ترضاه نفسي و يرضاه قلبي و عقلي و أبنائي يوم ما " ٢٧ عام من الوقوع و الصمود ...من الخبرات الحياتية القاسية و الدروس اللي أنا ممتن ليها لأنها خلتني أنا بكل تغيراتي خلتني اعرف أن وجب عليا إسعاد نفسي أولاً .. علشان اعرف اسعد اللي حوليا واللي هتكون معايا الجواز مش هو المصباح السحري ولا هو أكبر إنجاز في حياة الراجل او الست .. دروس خلتني اعرف الحب و الجواز مش مجرد كلمات و زفاف لساعتين وأنه مسئولية واجب احترامها و دراستها أولاً بتأني و إختيار مبني على تفاهم و رحمة و احترام .. احنا في عالم قاسي و جيل غير اجيالكم و زمن غير زمانكم إحنا كبرنا بدري عنكم وعارف أن متطلباتي بقت أصعب فـ انا اولاً و أخيرا بدور علي الهدوء النفسي سواء مع نفسي او مع شريكة حياتي و عرفت أني مهما وقعت تحت ضغوط هختار نفسي و بناء نفسي و نجاحي و إني لازم أختار شخص فاهم يعني إيه حد قوي عشان نكون سوا أقوى من أي تحديات صعبة و دنيا وظروف بلد أصعب مش نيجي على بعض فيها ...! فوبيا الأرتباط و الجواز بتطاردني وهتفضل تطاردني لغاية لما اقابل الشخص الصح..