اصيلة الجنووب

أعرف شكون تختار .. على خاطر بعد العرس كل شيء يتبدل .. الماسك يطيح و يظهرو العيوب و يظهرو معاهم برشا مشاكل .. إختار شخص ما يبدلوش الوقت .. ما تبدلوش الظروف .. ما يبردش عليك بعد عام و عامين مالعرس .. إختار مرأة كيف تطيح بيك هي تقيمك .. كيف الأيام تقسى عليك هي تحن عليك .. كيف تنساك الدنيا هي تتفكرك ❤️ .. إختار شخص يضحي على خاطرك موش يضحي بيك .. إختار شخص كان تخليك الدنيا الكل هو ما يخليكش .. إختار اللي كيف تبدى بحذاك تحس اللي الدنيا و ما فيها بين يديك .. و كيف تبدى بعيدة عليك تحس روحك ما عندك شيء حتى كان فلوس الدنيا عندك .. إختار اللي تحس معاها اللي إنت كل يوم عروس جديد .. إختار اللي ما تخليكش تحس بالوقت و بالكبر ❤️ .. إختار اللي حتى كيف تروح تاعب مالخدمة أول ما تشوفها تتبسم و تنسى التعب .. إختار اللي كيف تبدى ب جنبها تحس روحك مرتاح .. تحس روحك ماكش متقلق و ماكش تخمم .. كيف تبدى عندها قلبك يطمان ❤️ .. إختار اللي كيف تفيق مالنوم شعرها مكشبر و عينيها محوقين و وجهها تاعب مالخدمة ولا مالدار باقي تظهرلك أحلى مرأة في الدنيا ❤️ .. اللي مهما كبرت و قدم بيها العمر و جابتلك صغار تقعد هي بنتك الأولى و دلولتك الأولى .. اللي حتى كيف تتعاركو تقعد عشيرتك و صاحبتك و قلبها ما يكساحش عليك .. اللي كيف تبدى في أحلى بلاصة في الدنيا تحس روحك مخنوق على خاطرها ماهيش معاك .. و كيف تبدى حتى بين أربعة حيوط و هي بجنبك تحس روحك أسعد راجل في الدنيا ❤️ .. إختار مرأة طبيعتها دافية و قلبها حنين و متربية .. حشمتها و تربيتها هي اللي مزينتها موش المكياج .. الزين ما يدومش .. و كان بش تاخذها على زينها كهو بش يجي نهار و تكبر و تذبل و ما يقعد من زينها شيء 💔 .. خوذ مرأة قلبك يحبها قبل عينيك .. على خاطر فرق كبيييير بين حد يحبك ب قلبو و بين حد يحبك ب عينيه ..