amr.elsayed

السلام عليكم : من فضلكم احب اوضح شوية حاجات كدة. انا مهندس على خلق بشهادة الاخرين و الحمد لله اعمل بوظيفة مرموقة بشركة كبيرة أمتلك شقة و سيارة الحمد لله. منفصل عن زوجتى و لدى طفل يعيش معها و انا متكفل بكل احتياجاته فهو ابنى و يقضى معى يومي اجازتى الاسبوعية و الصيف. و بالنسبة اللى تقوللى اكتبلى الشقة باسمى و امن لى مستقبلى لان انت ممكن ترجع لمراتك احب اقولها اقولها اسف لو تحب تعيش معايا برنسيسة اوك مش عايزة براحتك. انا ما بحبش النكد و ووجع الدماغ و ابن اخت ابن عمتى نجح و نروح و نبارك و الواجب و الكلام الفاضى ده كله اللى نجح نجح و اللى ذاكر ذاكر . و بالنسبة لخال العروسة او عمها او اى حد من عيلتها اللى شوية و حيقولى عايزة شهادة دخل ولا جواب hr بالمرتب انا احب اقوله ما يعطلنيش ولا يعطل نفسه ده مش من حقك اساسا. و بالنسبة اللى بتحب تتفسح و تسافر و بتعتبر ان ده حقها الطبيعى و ما تسمعش كلام جوزها لما يطلب منها اى حاجة احب اقولها امال هو حيفسحك و يسفرك ليه اما انتى مش مظبطاه و لا بتسمعى كلامه. . انا عارف ان كلامى ممكن يضايق ناس كتير بس انا ما بحبش وجع الدماغ ولا اللف و الدوران انا اعرف ان 1-1-2 مش عارف ليه الناس بتزعل من الصراحة.