ايمي رامي

-انا اسمي ايمان.. عندى ٢٨سنة.. طولي ١٧٠سم ووزني ٦٠ك..ومحجة -جيت هنا بعد تفكير كتير.. وعشان كده انا هنا بشكل جدى مش لعب ولا هزار.. انا بنت قررت ان لازم يكون ليا بيت واسرة واطفال وحياة مستقرة ارسمها بمشاركتي انا وجوزى زى مااحنا حابين.. حياتنا بحلوها ومرها لينا جوة حيطان بيتنا مش لبانه للناس يتسلوا بسيرتنا -انا اهلي ناس بسيطة.. اسرتي مكونة من اربع افراد اب وام وبنتين انا اكبرهم -بالنسبة لشخصيتي بنت متواضعه بعيش بالقليل وبكون راضيه باللي معايا -بفضل الله بصلي كل الفروض ف مواعيدها وبختم كتاب الله كل شهر -جوايا بنت بتحب المسؤليه والجد وكمان الدلع والهزار والرومانسيه -انا بقدر جدا مكانة الزوج والراجل بوجه عام بس كمان احب اللي يقدر وصية الرسول ف البنت خاصة لو ملهاش اخ وهو هيكون ليها معني كلمة الدنيا -معايا ليسانس اداب تاريخ ودراسات عليا للتاريخ -لو حد حابب يشاركني حياتي ياريت نتكلم بس انا هنا مش للهزار وبتمني لو اكون ف بيتي قريب او ع الاقل كخطوبة عشان اشتقت ان يكونلي سند ف الدنيا -اما عن شريكي اتمني يكون انسان يقدر يكونلي عوض عن الحياة اللي راحت مني الفترة الاخيرة من حياتي ويتقي الله فيا وانا اقسم باللي خلقني هيشيله جوة عيني واكون ستره وسره وامانه ف الدنيا ملحوظة بقي.. تقديرا لتربية اهلي ليا.. فانا ليا كام طلب كدة اكون شاكرة للي يوافق عليهم.ويقدرني فيهم انا مش هقدر اقابل حد برة ولا اديله رقمي من ورا اهلي ولا من قبل اي رسميات.. لكن اللي قابلني ع كدة ليه الحق يشوف صورتي طبعا بس هيديني عهد قبلها انه هيحافظ ع اي كلمة او صورة تصدر مني ليه قدام ربنا.. وانا اسفه اني مش هفتح هنا كتير بس والله والله والله دة بسبب ظروف خاصه عندى.. ولو تم القبول بينا فياريت يعجل بزيارته لطلب ايدى بالاصول.. بس ارجوكم فعلا انا مش بتسلي ولا جايه عشان حد يلعب بمشاعري..حبا لله ورسوله اتقي ربنا فيا ياللي حبيت كلامي وشوفتني مناسبه لحياتك