عاوزها تعيش

انا كان عندي حساب تاني وبقالي فتره مادخلتش عليه ونسيته الحقيقه واضطريت اعمل واحد جديد. بس انا من ساعة مادخلت البرنامج ده وانا شوفت فيه العجب . هما ليه البنات بقي تفكيرها كله في الماديات . عاوزه دهب ب قد كده . عاوز يتفتحلي حساب ف البنك . عاوزه عاوزه عاوزه . ليه مابيفكروش في الستر وفتحان البيت ومساندة شريك حياتهم بحبهم واخلاصهم حتي لو فقير ومش لاقي ياكل . . اتقوا الله ف ظروف الشباب . الدنيا بقت غاليه نار والشاب مننا بقي بينطحن عشان يعرف يعيش ويفتح بيت ويحافظ عليه ومايتحوجش لحد . خلو الامور يسيره وسهله وبلاش التعجيز الحياه مش فلوس .والواحده منكم لو لقت راجل يحبها ويحافظ عليها ويصونها ويحتويها حتي لو هو افقر خلق الله هيا الكسبانه.