زينه حلمي

نفسك تلاقي مواصفات ايه في الشخصية اللي هتقابلها ؟! نفسي لما ألاقيه ألاقي معاه الأمان ألاقيه بيه وفيه نفسي لما ألاقيه أقعد احكيله اد ايه مشيت طريق صعب لحد ماوصلتله واللي مريت بيه من بشر أصعب نفسي لما ألاقيه ألاقي منه تقدير من ابسط حاجة بعملها لأكبر حاجة نفسي لما ألاقيه افرح فرحة تخلي دموعي تنزل وانا بشكر ربنا انه عوضني نفسي لما ألاقيه يكون مرايتي اللي بشوف نفسي اجمل واشوف عمرى الحقيقي فيها نفسي لما ألاقيه ارمي ادامه كل عيوبي واظهر ادامه بكل غباء اي حد غرقان في الحب واظهر في عنيه التايهه اللي مش عارفه تجمع وتبقي ناضجة وعارفة ان دا حال محب بجد نفسي لما ألاقيه ألاقي معاه طفولتي اللي اتسرقت مني ويعيشني كل اللي كان المفروض اعيشه وماعشتهوش ايييييييه انت جايه تحققي احلامك هنا ولا ايه ؟! ايوه فعلا جايه احقق أحلامي ماهي الاحلام مش بس شهادة ومنصب وشغل.... الاحلام بردو شريك حياه يحيي قلبك اللي صدا من الركنه ،شريك حياه يعمل لقلبك اعادة تشغيل بعد تحديث وتغيير مفاهيم وخلفيات وافكار بالنسبالك مسلمات الاحلام شخص يوصلك لتحقيق كل أحلامك التانية شخص يخليك تبدع في فن حبه ويطلع أحلي مافيك الأحلام في الاشخاص لو اتحققت هتخليك تحقق كل احلامك 👌 !طب وانتي بقا فيكي اللي نفسك تلاقيه في الطرف التاني ؟! عمرك شوفت واحد دخل مكان وفضل يطلب ويطلب ويطلب وهو مش في جيبه الحساب تمن كل اللي هياخده؟؟ !! لأ.... يعني هتحاسب ؟! اكيد ...زي ما بتحاسب علي اللي مجربتوش قبل كده ولاقيته مش ليك ومشربتهوش هتحاسب ع اللي طلبته ولاقيته ان هو دا طلبك👌